रामेछाप । आठौँ राष्ट्रिय प्रोफेसनल तेक्वान्दो आइ.टि.एफ.प्रतियोगिताको उपाधि बागमती प्रदेश र नेपाल प्रहरीले उठाउन सफल भएको छ । रामेछापको खाँडादेवी गाउँपालिकामा शुक्रवार र शनिवार भएको खेलमा पुरुष तर्फ बागमती प्रदेशका रिब्शन वाइबा तामाङ र महिला तर्फ नेपाल प्रहरीकी सुस्मिता बुढा मगरले जितेका छन् ।
शनिवार सम्पन्न ५७ केजी मुनी तौल समूहको पुरुष तर्फको फाइनल खेलमा बागमती प्रदेशका रिब्सन वाइबा,आयोजक समूहका निर्मला लामा र नेपाल प्रहरीका श्रीप्रसाद बुढा मगर क्रमशः प्रथम, द्धितिय र तृतीय भएका थिए ।
त्यसै गरी ५५ केजी मुनी तौल समूहको महिला तर्फ नेपाल प्रहरीकी सुस्मिता बुढामगर,कोसी प्रदेशकी कुसुम राजवंशी र नेपाली सेनाकी निकिता धिमाल पनि क्रमशः प्रथम,द्वितीय र तृतीय भएका हुन् ।
“स्वास्थ्यका लागि खेलकुद राष्ट्रका लागि खेलकुद” भन्ने मूल नाराका साथ सम्पन्न भएको उक्त खेलमा प्रथम,द्वितीय र तृतीय हुने महिला र पुरुष तर्फका प्रतियोगीहरूलाई क्रमशः नगद रु ५० हजार ४० हजार र ३० हजार सहित शिल्ड, मेडल र प्रमाणपत्र खाँडादेवी गाउँपालिकाका प्रमुख ज्ञानकुमार श्रेष्ठले छुट्टा छुट्टै प्रदान गरेको रामेछाप तेक्वान्दो आइ टि एफका अध्यक्ष धनराज तामाङले बताए । रामेछाप तेक्वान्दो आइ.टि.एफको आयोजना तथा खाँडादेवी गाउँपालिका र सोही पालिकाको वडा नं ७ को सह–योजनामा २ दिन सम्म चलेको उक्त खेलकुद प्रतियोगितामा ७ वटा प्रदेश,नेपाली सेना,नेपाल आर्मी,सशस्त्र प्रहरी र आयोजक सहित ११ वटा टिमको सहभागिता रहेको थियो ।
