रामेछाप । नेपाली काँग्रेसका तरुण नेताहरूले आगलागी पीडित परिवारलाई नगद सहित आवश्यक सहयोग गरेको छ । यही वैशाख २३ गते दोरम्बा शैलुङ्ग गाउँपालिका वडा नम्बर ७ थापागाँउको छेवाङ नाम्गेल तामाङको घरमा एक्कासि आगलागी हुँदा पूर्ण क्षेती भएको थियो । नाम्गेल तामाङको घर पुर्णरुपमा क्षेती भएको भन्दै नेपाल तरुण दल रामेछापले पीडित परिवारलाई सहयोग गर्न आग्रह गरेको थियो ।
नेपाली काँग्रेस तरुण विभाग केन्द्रीय सदस्य एवं नेपाल तरुण दल रामेछापका सह–सचिव रेशम लामा, युवा नेता मानध्वज लामा,विजय लामा, युवा नेतृ साङमाला तामाङ लगायत काँग्रेसका युवा नेताहरूले सहयोग सङ्कलन गरी सहयोग गरेको हो । पीडित परिवारलाई नेपाली काँग्रेस दोरम्बा सैलुङ गाउँपालिका वडा नम्बर ७ का इकाई सभापति नारायण राजमल्ल,वडा अध्यक्ष प्रवीण कुमार मोक्तान वडा सदस्य चन्द्र मोक्तानको उपस्थितमा राहत सामग्री सहित नगद सहयोग गरेको हो ।
पीडित परिवारलाई चामल ३ बोरा चामल सहित अन्य खाद्य सामाग्री, पानी ट्याङ्की १,वड्ने ओछ्याउने २ सेट,खाने तेल एक बक्सा, किचन सामाग्री एक सेट, र नगद ५ हजार सहयोग गरेको गोकुलगंगा गाउँपालिका अध्यक्ष समेत रहेका नेपाल तरुण दल रामेछापका सभापति काजी बहादुर खड्का (दिनेश)ले जानकारी दिनु भयो । उहाँले सहयोगी नेताहरूलाई धन्यवाद समेत व्यक्त गर्नु भएको छ ।
