काठमाण्डौं । ‘विशाल खत्री पत्रकारिता पुरस्कार’ बाट नेपाल पत्रकार महासङ्घ काठमाण्डौं शाखाले तरुण दैनिक डटकमका सम्पादक कालिका बहादुर महतलाई सम्मान गरेको छ । काठमाडौँ शाखाको १२ औँ अधिवेशनका अवसरमा सम्पादक महतलाई पुरस्कार राशि सहित सम्मान गरेको हो ।
शाखाका पूर्व कोषाध्यक्ष विशाल खत्रीको स्मृतिमा स्थापित गरिएको ‘विशाल खत्री पत्रकारिता पुरस्कार’बाट महतलाई पुरस्कार राशिसहित सम्मान पत्रले सम्मान गरिएको शाखाका सचिव महेश गौतमले जानकारी दिए । पत्रकार महतलाई सञ्चार तथा सूचना प्रविधि मन्त्री रेखा शर्मा, नेपाल पत्रकार महासङ्घ काठमाडौँ शाखाका अध्यक्ष सूर्य सुवेदी र महासङ्घ केन्द्रीय अध्यक्ष विपुल पोखरेल लगायतले सम्मान गरेका हुन् । अधिवेशनका क्रममा विभिन्न विद्यामा विभिन्न व्यक्तिलाई सम्मान गरिएको थियो ।
