रामेछाप । जिल्ला सदरमुकाम मन्थलीमा राष्ट्रिय अपाङ्ग महासंघ बागमती प्रदेशको आयोजनामा हिंसा प्रभावित अपाङ्गता भएका व्यक्तिहरूको उद्धार तथा पुनर्स्थापना सम्बन्धी दुई दिने अभिमुखीकरण कार्यक्रम सोमबार समापन गरेको छ । बागमती प्रदेश अन्र्तगत रामेछाप सिन्धुली दोलखा मकवानपुर काभ्रे सिन्धुपाल्चोक र चितवन समेत गरि ७ जिल्ला भित्रका विभिन्न पालिकाहरुका सेफहाउस संचालक तथा व्यवस्थापक र अपाङ्ग अगुवा हरु समेत ४० जना भन्दा वढिको कार्यक्रममा सहभागिता रहेको थियो।
आइतबार र सोमबार गरि दुई दिन सम्म आवासीय रुपमा चलेको उक्त कार्यशालामा कार्यक्रममा अपाङ्गता भएका व्यक्तिहरूका सवाल र उनिहरुलाई राज्यले हेर्ने दृष्टिकोण र गर्ने व्यवहार तथा पाउने सेवा सुविधाका बारेमा सामाजिक विकास मन्त्रालय बागमति प्रदेशका उप सचिव गोपाल कँडेलले सहजिकरण गर्नु भएको थियो ।
त्यसैगरि अपाङ्ग अधिकारकर्मि निर्मला अपाङ्गता भएका ब्यक्तिहरुको पारीवारीक अबस्था र दुर्दसा संगै सामाजिक सुरक्षा, र अपाङ्गताको परिभाषा र वर्गिकरण संगै उनिहरुले परिवार र समाजमा ब्यहोर्दै आएको कठिनाईका वारेमा सरोकारवाला सहजिकरण गर्नु भएको थियो । सो अवसरमा उहाँले जिल्ला र पलिकास्तरमा रहेका सेफ हाउसहरूको संचालन विधि तथा नीतिको बारेमा जानकारी गराउनु हुँदै त्यसका लागि स्थानीय र सरोकारवालाहरू लाई जिम्मेवार बनाउनु पर्ने धारणा राख्नु भएको थियो ।
कार्यशालाको उद्घाटन् मन्थली नगरपालिकाका नगर प्रमुख एवम् कार्यक्रमका प्रमुख अतिथि लव श्रेष्ठले गर्नु भएको उक्त कार्यक्रममा राष्ट्रिय अपाङ्ग महासंघ बागमती प्रदेशका अध्यक्ष अश्विन लम्सालको अध्यक्षतामा भएको उक्त कार्यशालामा रामेछाप नगरपालिकाका नगर प्रमुख लवश्री न्यौपाने जिल्ला समन्वय समिति सिन्धुलीका उपाध्यक्ष शान्ता कार्की, मन्थली नगरपालिकाका उप प्रमुख ईश्वरी बस्नेत, रामेछाप नगरपालिकाका उप प्रमुख बाल कार्की, नेपाल पत्रकार महासंघ रामेछापका अध्यक्ष बद्री नयाँघरे लगायतको सहभागिता रहेको ।
सामाजिक विकास मन्त्रालय बाग्मती प्रदेश, हेटौडा रामेछाप नगरपालिका र मन्थली नगरपालिका समेतको आर्थिक सहयोगमा कार्यक्रम भएको हो ।
