रामेछाप । नेपाली काँग्रेसले सञ्चालन गरेको समाजमा काँग्रेस अभियान औपचारिकतामा सीमित भएको छ । नेपाली काँग्रेस केन्द्रले सहिद दिवसको अवसर पारेर माघ १६ गते देखी २५ गते सम्म १० दिन कार्यक्रम सञ्चालन गर्न निर्देशन गरेको थियो ।
काँग्रेस नेता कार्यकर्तालाई १० दिन सम्म समाजमा बसेर काँग्रेसको अवस्था, नागरिकको समस्या पहिचान गरी काँग्रेसले आगामी योजना निर्माण गर्न अभियान सञ्चालन गरेको थियो । फागुनमा हुने महासमितिको भेलामा १० दिन सम्म सञ्चालन भएको अभियानको बारेमा छलफल गर्ने र अभियान बाट आयको सुझाव अनुसार आगामी रणनीति बनाउने केन्द्रीय समितिको योजना थियो । केन्द्रको निर्देशन बमोजिम रामेछापमा भने अभियानले पूर्णता पाउन सकेन ।
रामेछापमा भने अधिकांश वडामा समाजमा काँग्रेस अभियान औपचारिकतामा सीमित भएको छ । रामेछापमा रहेका ६४ वडा मध्य केही वडामा अभियानले औपचारिकता पनि पाएन । अधिकांश वडामा १६ गते अभियानले औपचारिकता पाए पनि १७ गते बाट अभियान बन्द भए । केन्द्रीय समितिले १० दिन अभियान सञ्चालन गर्न भने पनि रामेछापमा भने केही वडा बाहेक अन्य वडामा अभियान चल्न सकेको छैन ।
नेपाली काँग्रेसका जिल्ला सचिव दीपक खड्काले भने“ पार्टीले १० दिन समुदायमा बस्न नेताहरूलाई निर्देशन गरेको थियो । काँग्रेसका अधिकांश नेताहरू समुदायमा एक दिन पनि बसेनन् । समस्या काँग्रेसमा केन्द्रीय समितिमा भन्दा पनि जिल्लामा छ । केन्द्रको निर्देशन नमाने पछि के गर्ने सचिव खड्काले भने” ।
सचिव खड्काले भने“ कुन वडामा कार्यक्रम सञ्चालनमा छ छैन भन्न भन्दा पनि अधिकांश वडामा अभियानले औपचारिकता मात्र पाएका छन् । अधिकांश वडामा १६ गते कार्यक्रमले औपचारिकता पाए । तर १७ गते देखी सबै जिल्ला प्रतिनिधि देखी वडाका नेता कार्यकर्ता काठमाण्डौं पुगे । कार्यक्रम भएन । यति बेला भन्ने हो भने केही वडा बाहेक अन्य वडामा अभियान छैन । एक दिन भेला भए फोटो खिचे र हिँडे सबै नेता कार्यकर्ता अभियान औपचारिकतामा सीमित बस्यो सचिव खड्काले भने”
