रामेछाप । कारागारमा रहेका लिखु तामाकोशी गाउँपालिकाका अध्यक्ष गोबिन्दबहादुर खड्का थुनामुक्त हुने भएपछि पालिकामा तरङ्ग उत्पन्न भएको छ ।
गत साउन महिनामा अध्यक्ष खड्कालाई स्थानिय केही गाउँलेहरुले अध्यक्ष खड्कालाई फसाउने नियतले शरीर बन्धक गरी चेक काट्न लगाएको, जग्गाको बिषयमा ठगी गरेको साथै एक युवतीलाई जर्बजस्ती करणी गरेको भन्दै एकपछि अर्को गर्दै तीनवटा मुद्धा जिल्ला प्रहरी कार्यालय रामेछापमा दर्ता गराएका थिए ।
जिल्ला प्रहरी कार्यालय रामेछापले तीनवटै मुद्धा एकैपटक राय सहित जिल्ला सरकारी वकील कार्यालयमा पेश गरेको थियो । प्रहरीको रायको आधारमा जिल्ला सरकारी वकील कार्यालयको तर्फबाट जिल्ला न्यायाधिवक्ताले तीनवटै मुद्धाको अभियोग पत्र तयार गरी जिल्ला अदालत रामेछापमा पेश गरेका थिए ।
अध्यक्ष माथि परेको मुद्धामा जिल्ला अदालत रामेछापले शरीर बन्धक मुद्धामा २ लाख, ठगी मुद्धामा ५० लाख धरौटी माग गरेको थियो भने जर्बजस्ती बलात्कारको केशमा पुर्पक्षको लागि कारागार चलान गर्ने गरि फैसला सुनाएको थियो । जिल्ला अदालत रामेछापले गरेको फैसला आफुलाई चित्त नबुझेको भन्दै जिल्ला अदालत रामेछापको फैसला बिरुद्ध अध्यक्ष खड्काले उच्च अदालत पाटनमा रिट दायर गरेका थिए ।
अध्यक्ष खड्काले दायर गरेको रिटको उच्च अदालत पाटनले बिहिवार अध्यक्ष खड्काको पक्षमा फैसला गर्दै ५ लाख रकम धरौटी माग गरि थुनामुक्त गर्न आदेश दिएको हो । त्यसैगरी अध्यक्ष खड्का माथि परेको शरीर बन्दक मुद्धाको बिषयमा जिल्ला अदालत रामेछापले गरेको फैसला नै सदर गरेको छ भने ठगी मुद्धामा ५० लाख रुपैयाँ धरौटी माग गर्ने जिल्ला अदालत रामेछापको निर्णय समेत बदर गरेको छ । खड्का कारागारबाट थुनामुक्त भएपछि बाहिरै बसेर मुद्धा लड्न पाउने भएका हुन् ।
अध्यक्ष खड्काको पक्षमा रामेछापमा अधिबक्ता झम्क कडेल र यादबप्रसाद दाहाल लगाएतका अधिवक्ताले बहस गरेका थिए । त्यसैगरी उच्च अदालत पाटनमा अध्यक्ष खड्काको पक्षमा योगेन्द्र अधिकारीले बहस गरेका थिए । कारागारबाट थुनामुक्त भएसँगै पुनः खड्का लिखु तामाकोशी गाउँपालिकाको प्रमुखको रुपमा काम गर्ने भएका छन् ।
जर्बजस्ती करणी अभियोग लगाएत तीनवटा मुद्धामा अध्यक्ष खड्का जेल चलान भएपछि एकपक्षिय तबरले पालिकाको काम संचालन गर्दै आएका उपाध्यक्ष लगाएतको टोलीलाई अध्यक्ष खड्का जेलमुक्त हुने खबर पाएसँगै पालिकामा एक किसिमको तरङ्ग छाएको छ । अध्यक्ष खड्का छ महिनापछि पुनः पालिकाको प्रमुखको रुपमा काम गर्ने गरि पालिका फर्कदै छन् ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
