रामेछाप । नेपाल शिक्षक सङ्घ मन्थली नगर कार्यसमितिले विजया दशमी तथा शुभ दीपावलीको अवसरमा शुभकामना आदानप्रदान तथा चियापान कार्यक्रमको आयोजना गरेको छ । बुधवार सदरमुकाम मन्थलीमा नेपाल शिक्षक सङ्घ नगर कार्यसमितिले शुभकामना आदानप्रदान कार्यक्रम गरेको हो । सो क्रममा उहाँले आम जिल्लावासीलाई शुभकामना दिँदै मेल मिलापका साथ सबैलाई दसैँ मनाउन सहभागी शिक्षकहरूले आग्रह गरे । शुभकामना दिने क्रममा पर्वलाई भड्किलो बनाउन भन्दा पनि अवस्था हेरेर खर्च गर्नु पर्ने बताएका छन् ।
चियापान तथा शुभकामना आदान प्रदान कार्यक्रममा नेपाली काँग्रेसका जिल्ला नेताहरू,जन प्रतिनिधि तथा अन्य भातृ सङ्गठनका प्रमुख र तीनका प्रतिनिधि,विभिन्न शिक्षक घटकका प्रमुख तथा तीनका प्रतिनिधि र सञ्चारकर्मीहरूको समेत उल्लेखनीय रूपमा उपस्थिति रहेको थियो ।
नेपाल शिक्षक सङ्घ मन्थली नगर कार्यसमितिका अध्यक्ष भीम नेपालीले विजया दशमी र तिहार सबैका लागि शुभ चार्डको रूपमा मनाउन पनि आग्रह गरेका छन् ।
