पोखरा। सोलुखुम्बुको लोबुचेमा मनाङ एअरको हेलिकप्टर दुर्घटना भएको छ । लुक्ला बाट आज शनिवार बिहान ७ः१३ मिनेटमा लोबुचे उडेको मनाङ एयरको ‘एन–एएनजे’ कसाइन भएको हेलिकप्टर ७ः२५ बजे लोबुचेमा अवतरणका क्रममा दुर्घटना भएको हो।
हेलिकप्टर पूर्ण रूपमा क्षति भएको छ । दुर्घटना भए लगत्तै उक्त हेलिकोप्टरमा आगलागी भएको थियो । हेलिकोप्टरमा पाइलट प्रकाश सेडाई मात्र सवार थिए । उनी घाइते भएका छन् । प्राधिकरणका सूचना अधिकारी ज्ञानेन्द्र भुलका अनुसार क्याप्टेन सेढाइँलाई फिस्टेल एयरको हेलिकप्टरमार्फत काठमाडौँ ह्याम्स अस्पताल लगिएको जानकारी दिए ।
