रामेछाप । जिल्ला समन्वय समिती ओखलढुंगाका प्रमुख डिल्लीराम खनालको शनिबार बेलुकी निधन भएको छ । क्यान्सर रोग बाट पीडित खनालको उपचारको क्रममा शिक्षण अस्पताल महाराजगञ्ज काठमाण्डौमा शनिबार बेलुकी १० बजे निधन भएको ओखलढुंगाका प्रदेश सांसद प्रदिप कुमार सुनुवारले जनाकारी दिए ।
७३ वर्षिय खनाल लामो समय देखी क्यान्सर रोग बाट पीडित थिए । जिसस प्रमुख खनाल केही महिना अघि थप अवस्थ भएपछी उपचारका लागि शिक्षण अस्पतालमा भर्ना गरिएको उनका भतिज एवम् नेपाली काँग्रेस जिल्ला सभापती तेजेन्द्र खनालले बताए । यस अघि नेपाल तथा भारतका विभिन्न अस्पतालमा उनको उपचार प्रयास गरिएको नेपाली काँग्रेस जिल्ला कार्य समिती सभापती खनालले जानकारी दिए ।
खनाल नेपाली काँग्रेसको तर्फबाट जिल्ला समन्वय समिती ओखलढंगाको प्रमुख बनेका हुन् । खनाल नेपाली काँग्रेस जिल्ला कार्य समिती ओखलढुंको पुर्व कोषाध्यक्ष, उपाध्यक्ष साथै महासमिती सदस्य भएका थिए । खनालको परिवारमा दुई छोरा र दुई छोरी छन् । आज आईतबार पशुपती आर्य घाटमा खनाललको अन्त्यष्टि गरिने पारिवारिक श्रोतले जनाएको छ । २००७ साल असोज २० गते जन्मिएका खनालको २०८० साल असोज १३ गते काठमाण्डौमा निधन भएको हो ।
