रामेछाप । नेपाली काँग्रेस रामेछापका नेतृ तथा महाधिवेशन प्रतिनिधि बिनिति खड्काले सुनापती गाउँपालिका वडा नम्बर ५ खनियापानीमा रहेको जलदेवी माध्यमिक विद्यालयका १ सय ३३ जना बिद्यार्थीहरुलाई टिसट सहित ट्र्याक सुट सेट सहयोग गरेकी छिन् । नेपाल तरुण दलका केन्द्रीय सदस्य समेत रहेकी खड्काले विगत वर्षमा जस्तै यस वर्ष पनि बिद्यार्थीहरुलाई ट्र्याक सुट वितरण गरेकी हुन् ।
शेर नन्द स्मृति कोष स्थापना गरी खड्काले जिल्लाका ५० भन्दा बढी विद्यालयका बिद्यार्थीहरुलाई यस अघि ट्र्याक सुट वितरण गरी सकेकी छिन् । साथै खड्काले जलदेवी माध्यमिक विद्यालय खनियपानीलाई जग्गा खरिद गर्न आर्थिक सहयोग गर्नका साथै विद्युतीय हाजिर मेसिन समेत उपलब्ध गराएकी छिन् । विभिन्न समयमा विद्यालयको लागी र शैक्षिक सुधारको लागी काम गरेको भन्दै खड्कालाई जलदेवी माध्यमिक विद्यालयले सम्मान पनि गरेको छ । खड्काले जलदेवी माध्यमिक विद्यालयलाई मात्र नभई जिल्लाको विभिन्न विद्यालयलाई सहयोग गरेको भन्दै अझै शैक्षिक सुधारको अभियानमा लाग्न समेत शिक्षक अभिभावकले आग्रह गरेको छ ।
काँग्रेस नेतृ खड्काले आफूले शैक्षिक सुधारका लागी विगत वर्ष देखी जिल्लाका विभिन्न स्थानमा रहेको विद्यालय र बिद्यार्थीहरुलाई सहयोग गर्दै आएकी छिन् । यस वर्ष पनि आर्थिक अभावका कारण अध्ययन गर्न समस्या भएका बिद्यार्थीहरुलाई सहयोग गर्ने बताएकी छिन् । मेरो प्रदेश सँग कुरा गर्दै नेतृ खड्काले भनिन् “ शैक्षिक क्षेत्र मेरो पहिला प्राथमिकतामा पर्छ । जे गर्छु पहिला शैक्षिक सुधारका लागी काम गर्छु । मैले कमाएको रकम बाट मैले विगत वर्षहरूमा पनि बिद्यार्थीहरुलाई सहयोग गरेको थिए । यस वर्ष पनि गछुृ मैले सकेको सहयोग । जब सम्म देशको शैक्षिक विकास हुँदैन तब सम्म देशको विकास सम्भव छैन । हामी पहिला शैक्षिक सुधार गरेर विद्यार्थीलाई नैतिकवान् बनाउन सकेको अवस्थामा मात्र देशको विकास सम्भव छ नत्र समस्या छ ।
