काठमाडौँ । नेकपा एमाले बागमती प्रदेशको मतदान आज साँझ ६ बजे देखी हुने भएको छ । प्रमुख निर्वाचन अधिकृत डिल्ली मैनालीका अनुसार अब साँझ ६ बजेपछि मतदान हुनेछ ।
अहिले उम्मेदवारको विरोधमा उजुरीउपर छानबिन निर्णय, उम्मेदवारको नामावली प्रकाशन, उम्मेदवारी फिर्तालगायतको कार्यक्रम चलिरहेको छ । ४ बजे उम्मेदवारको अन्तिम नामावली प्रकाशन गरिसकेपछि ६ बजे निर्वाचन हुने निर्वाचन समितिले जनाइएको छ ।
प्रदेश कमिटीको अध्यक्ष पदमा चार नानको उम्मेदवारी परेको छ । रामेछापका कैलाश ढुङ्गेल, मकवानपुरका कृष्णप्रसाद दाहाल, केशरबहादुर बुढाथोकी र सानुकुमार श्रेष्ठको उम्मेदवारी परेको छ । त्यस्तै सचिवमा ४ र उपसचिवमा १२ जनाको उम्मेदवारी परेको छ ।
