रामेछाप, रामेछापको सदरमुकाम मन्थलीमा रहेको मन्थली क्याम्पस प्रमुख डा.भरत कुमार श्रेष्ठ सहित रामेछापका ९ जना बिद्याभुषण बाट विभूषित भएका छन् । क्याम्पस प्रमुख श्रेष्ठले २०२२ मा मेवार विश्वविद्यालय भारत बाट शिक्षा विषयमा विद्यावारिधि गरेका थिए ।
क्याम्पस प्रमुख श्रेष्ठ सहित नेपाल विद्याभूषण पदक ‘क’ बाट, डा. दीपक महत, डा. माधव कुमार श्रेष्ठ डा. विष्णु कुमार खत्री,डा. वासुदेव गौतम र डा. माधव घिमिरे विभूषित भएका छन् । त्यसै गरी नेपाल विद्याभुषण ‘ख’ प्राप्त गर्ने हरूमा रामेछापका नेत्रकुमार मानन्धर, सुमन प्रकाश प्रधान र आरती काफ्ले रहेका छन् भने । छात्रा विद्या पदक ‘ख’ प्राप्त गर्ने मा सर्वदा खत्री रहेको शिक्षा तथा समन्वय इकाई रामेछापका प्रमुख भरत बहादुर भट्टराईले जानकारी दिएका छन् ।
राष्ट्रिय शिक्षा दिवसको अवसरमा सरकारले देश भर बाट ९६३ जनालाई विभूषित गरेका छन् । मन्त्रालयले ९०५ जनालाई नेपाल विद्याभूषण प्रदान गरेका छन् । त्यसमध्ये ७९० जनालाई नेपाल विद्याभूषण क, ७१ जनालाई ख र ४४ जनालाई ग प्रदान गरेको छ । साथै ४६ जनालाई नेपाल छात्रा विद्या पदक प्रदान गरेको छ । जसमा नेपाल छात्रा विद्या पदक क २८ जनलाई र ख १८ जनालाई प्रदान गरेको छ । यस्तै, ११ जनालाई नेपाल प्रविधि विद्याभूषण प्रदान गरेको शिक्षा मन्त्रालयले जनाएको छ । सरकारले अनिवार्य तथा निःशुल्क शिक्षा ऐन २०७५ जारी भएको दिन असोज २ गतेलाई राष्ट्रिय शिक्षा दिवसको
रूपमा मनाएको छ ।
