रामेछाप । परम्परा र रीतिरिवाज संरक्षण गर्न राष्ट्रिय प्रजातन्त्र पार्टी(राप्रपा) ले मात्र सक्ने राप्रपा बागमती प्रदेशका सांसद एवं महिला सङ्गठनकी महासचिव कुमारी तामाङले बताइन् । राष्ट्रिय प्रजातान्त्रिक महिला सङ्गठन रामेछापले शनिवार मन्थलीमा आयोजना गरेको तीज विशेष कार्यक्रमलाई सम्बोधन गर्दै रीतिरिवाज र परम्परा राप्रपा पार्टी बाहेक अन्य राजनीतिक पार्टीले संरक्षण गर्न नसक्ने बताएका छन् ।
हाम्रो नेपाली संस्कार संस्कृति र परम्परा हिन्दु धर्म सँग सम्बन्धित छ । जब हिन्दु राज्य कायम हुँदैन । सबै हामीले मनाउँदै आएको संस्कृति र परम्परा विलय हुँदै जाने छ तामाङले भनिन् । साथै उनले– हिन्दु धर्म र तीजको महत्त्व माथि प्रकाश पार्दै महिला दिदी बहिनीहरू एकै मोर्चामा समाहित हुनु पर्नै धारणा पनि राख्नु राखेकी थिइन् । उनले देशका सबै धर्मालम्बिहरुको रक्षार्थ पनि हिन्दु सहितको राज संस्था आवश्यकता रहेको पनि बताइन् । उक्त कार्यक्रम सङ्गठनकी अध्यक्ष शान्ता भुजेलको अध्यक्षतामा भएको थियो । कार्यक्रममा संविधान सभा सदस्य दाल कुमारी सुनुवार सङ्गठनकी उपाध्यक्ष सरस्वती श्रेष्ठले तीज विशेष कार्यक्रम गरेर सङ्गठनले महिलाहरूलाई आफ्नो धर्म रक्षाका साथै मनोरञ्जनका लागि पनि सहयोग पुगेको बताइन् ।
कार्यक्रममा राप्रपा नेपालका अध्यक्ष रामचन्द्र कँडेल,नेपाल बार एसोसिएसनका अध्यक्ष पाण्डव प्रसाईँ लगायतका वक्ताहरूले पनि शुभकामना व्यक्त गरेका थिए ।
हरितालिका तीजका अवसरमा सबै पक्षका महिलाहरूलाई केन्द्रीकृत र एकाकार बनाई तीजको महत्वमाथि साक्षात्कार गराई मनोरञ्जन गराउनुका साथै महिला दिदी बहिनीहरूमा हार्दिकता साट्ने मुख्य उद्देश्यका साथ उक्त कार्यक्रमको आयोजना गरेको थियो । महिलाहरूको उल्लेखनीय उपस्थिति रहेको उक्त कार्यक्रमका अवसरमा सहभागी महिलाहरूलाई दर खुवाउनुका साथै र नाचगान कार्यक्रम समेत गरिएको थियो ।
