रामेछाप । मन्थलीको आकाशेमा सम्पन्न नेपाल माझी उत्थान सङ्घ मन्थलीको प्रथम नगर अधिवेशन सम्पन्न भएको छ । प्रथम नगर अधिवेशन रामबहादुर माझीलाई सर्वसम्मत अध्यक्षमा चयन गरेको छ । शनिवार मन्थलीमा भएको अधिवेशनले रामबहादुर माझीको अध्यक्षतामा १५ सदस्य नगर कार्यसमिति सर्व सहमतिमा गठन गरेको हो ।
नव गठित समितिको वरिष्ठ उपाध्यक्षमा अमृता माझी (भटौली), उपाध्यक्षमा गणेशबहादुर माझी (जखनीटार) चयन भएका छन् भने सचिवमा मनीषा माझी (कुनौरी), सह–सचिवमा तेजबहादुर माझी (करम बोट), कोषाध्यक्षको जिम्मेवारी लेखबहादुर माझी ( सेलेघाट) ले पाएका छन् ।
त्यसैसरि सदस्यहरूमा उर्व माझी (मसानटार), लालुमाया माझी (हात्तिटार), गोपाल माझी (मुगिटार), महेन्द्र माझी (भटौली), मखौरे माझी (वडारे), डम्बरबहादुर माझी (गाईखुरा) र गणेश माझी (नपुघाट) लाई चयन गरिएको नेपाल माझी उत्थान सङ्घ रामेछाप–काठमाडौँ सम्पर्क समाज समितिका अध्यक्ष बालकृष्ण माझीले दिनु भयो । सो अवसरमा केन्द्रीय सचिव गोपाल माझी लगायत जिल्ला कार्य समितिका पदाधिकारी र नगर वडा कमिटीका पदाधिकारीहरूको पनि सहभागिता रहेको थियो ।
सोही कार्यक्रमको अवसर पारेर नगरपालिकाले नेपाल माझी उत्थान सङ्घलाई २७ सेट वाद्य सामग्री समेत हस्तान्तरण गरेको छ । उक्त सामाग्री मध्ये नवुघाट २ सेट, सेलेघाट २ सेट, मसान्टार १ सेट, हात्तीटार २ सेट, कुनौरी २ सेट, मन्थली ३ सेट, करमबोट १ सेट, चिसापानी ३ सेट, गाइखुरा २ सेट, ओढारे २ सेट, मुगिटार २ सेट, भटौली ‘ए’ १ सेट र भटौली ‘बि’ लाई २ सेट वितरण गरिएको नेपाल माझी उत्थान सङ्घ रामेछापका अध्यक्ष हरि माझीले जानकारी दिए । २७ सेट मध्ये २६ सेट वितरण भएको र बाँकी १ सेट माझी उत्थान सङ्घले स्टकमा राखेको अध्यक्ष माझीले बताए ।
