रामेछाप । गुण्डागर्दी आरोपमा रामेछापका ‘बाफ्ले’ भन्ने विककी लामा,सहित ५ जना पक्राउ परेका छन् । काठमाडौँको बौद्ध र जोरपाटीमा ‘एरियामा गुण्डागर्दी गर्दै आएको भन्दै उनीहरूलाई प्रहरीले पक्राउ गरेको हो ।
रामेछाप जिल्लाको गोकुलगंगा गाउँपालिका वडा नं ६ फर्पू घर भई हाल काठमाडौँ गोकर्णेश्वर नगरपालिका ८ जोरपाटी बस्ने २८ को ‘बाफ्ले’ भन्ने विककी लामा, सिन्धुपाल्चोकको मेलम्चीका ३४ वर्षीय श्यामबहादुर लामा, मेलम्चीका ३६ वर्षीय भीमबहादुर बस्नेत, ३५ वर्षीय गोविन्द गजमेर र चौताराका ३५ वर्षीय प्रवीण तामाङ रहेका छन् ।
उनीहरू जोरपाटी बौद्धमा सर्वसाधारण व्यक्तिहरूसँग अनावश्यक विवाद गरी डर त्रास, देखाउने तर्साउने गर्नुका साथै सर्वसाधारणहरूलाई कुटपिट, गर्ने र गैर कानुनी रूपमा रकम माग गर्ने लगायतका आपराधिक गतिविधिमा संलग्न रहेको उनीहरू माथि आरोप लागेको छ । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले गत मङ्गलवार जोरपाटीबाट पक्राउ गरेको जनाएको हो ।
