सिन्धुली । जिल्लाको तीनपाटन गाउँपालिकाले पालिका भित्रका ११ जनालाई निःशुल्क प्राविधिक शिक्षा अध्ययनको लागि छात्रवृत्ति प्रदान गर्ने भएको छ । गाउँपालिकाको ११ वटा वडाका १÷१ जना विद्यार्थीलाई निःशुल्क प्राविधिक शिक्षा अध्ययनको लागि छात्रवृत्ति प्रदान गर्ने भएको हो । गाउँपालिकाको आर्थिक वर्ष २०८०÷८१ को नीति तथा कार्यक्रममा “प्राविधिक विधामा रोजगारी, तीनपाटनका छोराछोरी” कार्यक्रम अन्तर्गत छात्रवृत्ति उपलब्ध गराउने भएको हो ।
सामुदायिक विद्यालयबाट २०७९ सालमा एसइई उर्तिण गर्ने विद्यार्थीलाई पालिकाले तोकेको शिक्षण संस्थाबाट लिइने प्रवेश परीक्षामा सबै भन्दा बढी प्राप्त गर्ने प्रत्येक वडाका एक जनालाई अध्ययनको लागि छात्रवृत्तिको व्यवस्था गरिने गाउँपालिकाका अध्यक्ष कर्ण बहादुर थापाले जानकार िदिए । छनोट भएका प्रत्येक वडाका विद्यार्थीले गाउँपालिकाले तोके बमोजिमको छुट्टाछुट्टै प्राविधिक विषय अध्ययन गर्नुपर्ने छ । अध्यक्ष थापाले “विद्यार्थीले कृषि र पशु दुई वटा विधाका प्राविधिक शिक्षा अध्ययन गर्नुपर्नेछ । आफ्नो वडाका विद्यार्थी कुन विधामा अध्ययनको लागि पठाइने हो भन्ने वडाले छनोट गरेको छ ।”
