रामेछाप । सिन्धुलीका निर्माण व्यवसायीहरू आज जिल्ला प्रशासन कार्यालयमा धर्ना बसेका छन् । निर्माण सम्पन्न भएका योजनाको भुक्तानी माग गर्दै निर्माण व्यवसायी सङ्घ सिन्धुलीको अगुवाइमा निर्माण व्यवसायीहरू धर्ना बसेका हुन् । निर्माण व्यवसायीहरूले काम सम्पन्न भई सकेका योजनाहरूको तत्काल भुक्तानी हुनुपर्ने, असार मसान्त सम्म भएका कामको मुल्याङकनको आधारमा बाँकी रहेका कामको भुक्तानी रोकन नहुने,र काम सम्पन्न बाँकी योजनाको म्याद थप गर्नुपर्ने, मूल्य समायोजन गर्नुपर्ने माग राखेर उनीहरू धर्ना बसेका छन् ।
साथै अव्यवहारिक माइल स्टोन, बिमा निर्देशिका २०७८ र उपभोक्ता समितिबाट निर्माण कार्य गर्ने नियम खारेज गर्नुपर्ने, सार्वजनिक खरिद ऐन तथा नियमावली संशोधन गरिनुपर्ने लगायत आफूहरूको माग रहेको निर्माण व्यवसायी सङ्घ सिन्धुलीका अध्यक्ष तुलसी श्रेष्ठले बताए । लामो समयदेखि विभिन्न निर्माण कम्पनीको निर्माण कार्य गरे बापतको आर्थिक वर्ष समापन हुँदासमेत सम्बन्धित कार्यालयबाट निर्माण कार्यको अर्बौँ रकम भुक्तानी हुन बाँकी रहेकाले उक्त रकम तत्काल भुक्तानी गर्न माग गरिएको अध्यक्ष श्रेष्ठको भनाई छ । निर्माण व्यवसायीहरूले आज देशभर धर्ना कार्यक्रम आयोजना गरेको छ
