मन्थली । शान्ति दीप युवा क्लबको अध्यक्षमा सुरेश उदास निर्विरोध निर्वाचित भएको छ । शनिवार मन्थलीमा सम्पन्न क्लबको आठौँ अधिवेशनले उदास सहित सबै पदाधिकारी तथा सदस्यलाई निर्विरोध चयन गरेको हो ।
अधिवेशन बाट उपाध्यक्षमा श्यामकुमार श्रेष्ठ, सचिवमा सन्तोष श्रेष्ठ, सहसचिवमा राजु थापामगर र कोषाध्यक्षमा सम्शेर थापा निर्विरोध निर्वाचित भएका हुन् । त्यसै गरी सदस्यहरूमा पुष्पा श्रेष्ठ, सरिता चौलागाई कल्पना आले मगर, रत्न श्रेष्ठ, सनम थापामगर,पदम कार्की (शिव), प्रमेश ढुङ्गेल र पर्वत विक निर्विरोध निर्वाचित भएका हुन् ।
शान्ति दीप युवा क्लबले विगतमा मन्थली बजारको फोहोर मैलाको व्यवस्थापन, हरियाली क्षेत्र निर्माण, विभिन्न विषयका सडक नाटक, खेलकुद लगायतका समाज विकासका दर्जनौँ उल्लेखनीय काम गर्दै आइरहेको छ ।
अधिवेशनले क्लबको आर्थिक तथा सांगठानिक प्रतिवेदन समेत सर्व सम्मत रूपमा पारित गरेको नव निर्वाचित अध्यक्ष सुरेश उदासले जानकारी दिए ।
