रामेछाप । जिल्ला सदरमुकाम मन्थलीमा निर्माणाधीन चिस्यान केन्द्रको निर्माण कार्य सम्पन्न भएको छ । तरकारी तथा फलफूल चिस्यान केन्द्र लामो समयपछि निर्माण कार्य सम्पन्न भएको छ । तरकारी तथा फलफूल चिस्यान केन्द्र सञ्चालनको लागी भने सम्बन्धित निकाय अझै अन्योलमा रहेको छ ।
चिस्यान केन्द्र सञ्चालन विधि स्पष्ट नहुँदा सञ्चालन भने तत्काल हुने अवस्था देखिएको छैन । बागमती सरकारको पाँच करोड र मन्थली नगरपालिकाको दुई करोड दश लाख रुपियाँको साझेदारीमा इजि इन्फा प्रालि काठमाण्डौले निर्माण कार्य सम्पन्न भएको बताएको छ । करोडौँ रुपियाँको लगानीमा निर्माण भएको चिस्यान केन्द्रको व्यवस्थापनका लागि सामान्य घेरा बार समेत नहुँदा सञ्चालन भने तत्कालै हुने अवस्था भने देखीदैन् । चिस्यान केन्द्र घेरा बार बिना सञ्चालन गरेको अवस्थामा अप्रिय घटना घट्न सक्ने भन्दै घेरा वार गरेर मात्र सञ्चालनमा ल्याउन पर्ने स्थानीय नागरिकको भनाई छ ।
निर्माण कार्य सम्पन्न भएपनी निर्माण कम्पनीले बागमती प्रदेश सरकारलाई हस्तान्तरण भने गर्न सकेको छैन । निर्माण कम्पनीले भने आफूहरूले निर्माण कार्य सम्पन्न गरिसकेको बागमती प्रदेश सरकार र स्थानीय तहलाई जानकारी गराएको बताएको छ । निर्माण व्यवसायी उत्तम पौडेलले निर्माण कार्य सम्पन्न भएको बताए । निर्माण व्यवसायी पौडेलले भने– निर्माण व्यवसायीको कारण हस्तान्तरण नभएको हैन । हामीले निर्माण सम्पन्न गरिसकेका छौँ । आज भने आजै हामी हस्तान्तरण गर्न तयार छौँ । घेरा वार गर्ने बिद्युत् जडान गर्ने लगाएको कार्य आफूहरूको जिम्मेवारी भित्र छैन । बिधुत जडान मन्थली नगरपालिकाले गरिसकेको छ । अब छिटै हामी हस्तान्तरण गछौं हामी बाट कुनै समस्या छैन ।
अनुगमनको क्रममा निर्माण कार्य सम्पन्न भएको देखिएकोले छिटै चिस्यान केन्द्र अब छिटै सञ्चालनमा आउने बागमती प्रदेश सरकारको कृषि तथा पशुपन्छी विकास मन्त्रालयका महाशाखा प्रमुख झलकनाथ कडेंलेल बताए । निर्माण कार्य सम्पन्न भई सकेकोले तत्काल सञ्चालन विधि अनुसार मन्थली नगरपालिकालाई चिस्यान केन्द्र हस्तान्तरण गर्ने बताए । अन्य वाकीँ काम नगरपालिकाले गर्ने कंडेलको भनाई छ ।
