रामेछाप । नेपाल विद्यार्थी सङ्घका नेता तथा कार्यकर्ता विभिन्न माग राख्दै पार्टी कार्यालयमा मङ्गलवार देखी रिले अनसन बसेका छन् । बिपी स्मृति भवनमा मङ्गलवार बिहान बाट नेपाल विद्यार्थी सङ्घका नेताहरू राजेश भण्डारी, मनिश बहादुर चौहान, सरोज बुढाथोकी लगायत रिले अनसनमा बसेका छन् ।
नेपाल विद्यार्थी सङ्घको विधान विपरीत पार्टी नेतृत्वको सिफारिसमा भएको नेतृत्व चयन प्रक्रिया र नेपाली काँग्रेस जिल्ला कार्यसमिति रामेछाप मनोमानी ढङ्गबाट सञ्चालन भएको भन्दै आफूहरू बाध्य भएर अनसन बसेको उनीहरूले बताएका छन् ।
उनीहरूले सात बुँदे माग राख्दै अनसनसूरु गरेका छन् । नेविसंघको विधान विपरीत पार्टी नेतृत्वले आफू अनुकूल नेतृत्व चयन गरेको भन्दै तत्काल सो नेतृत्व खारेज गरी अधिवेशनको माग गरेका छन् ।
पार्टीका बहुसङ्ख्यक नेता कार्यकर्तालाई बाइपास गरी सीमित व्यक्तिको स्वार्थको आधारमा पालिका प्रदेश सम्मेलन नगरी जिल्ला सम्मेलन गर्न लागेको हुँदा जिल्ला सम्मेलन स्थगित गरी सबै तहका नेता तथा कार्यकर्ता सँग समन्वय गर्नु पर्ने लगायतका सात बुँदे माग राखेका छन् ।
