काठमाडौं । पुर्व प्रधानमन्त्री एवं नेकपा एमालेका अध्यक्ष केपी शर्मा ओलीले राष्ट्रिय गानको संगीतप्रति आपत्तिजनक अभिव्यक्ति दिएका छन् । पर्सा जिल्लाको सदरमुकाम वीरगञ्जमा आयोजित कार्यकर्ता भेलामा ओलीले राष्ट्रिय गानको संगीतलाई ‘प्याँ प्याँ प्याँ’को संज्ञा दिएका हुन् ।
पुर्व प्रधानमन्त्री समेत रहेका वलीले भने ‘राष्ट्रिय गान अगाडि ‘प्याँ प्याँ प्याँ प्याँ धुन बजाउँछ, ‘सयौं थुंगा फुलका हामी भन्नु भन्दा अगाडिको धुन राष्ट्रिय गानवाला धुनबाट हटाइनुपर्दछ ।’त्यो धुन राष्ट्रियगान भित्र प्रर्दैन यसमा मेरो आपती छ । उनले त्यो धुन हटाउनेबारे आफु पहिलेबाटै लागिपरेको पनि बताए । ‘अगाडिबाटै कुरा गरिरहेका थियौं, यसलाई सच्याउनुपर्छ भनेर’ ओलीले भने ।
राष्ट्रिय गान शब्दबाट सुरू भएर शब्दमै सकिने पनि उनले बताए । ‘राष्ट्रिय गान भनेको राष्ट्रिय गान हो, राष्ट्रिय गान शब्दबाट सुरु हुन्छ, शब्दमा अन्त्य हुन्छ’ ओलीले भने, ‘त्यो भन्दा अगाडि सिगारपटार गरेर अर्को म्युजिक अगाडि हाल्ने, अर्को म्युजिक पछाडि हाल्ने गरिदैन ।’
