रामेछाप । रामेछापको उमाकुण्ड गाउँपालिका प्रितिमा रहेको सन्राईज बैंकले बिद्यार्थीलाई न्यानो कपडा बितरण गरेको छ । बैंकले संस्थागत सामाजिक उत्तरदायित्व कार्यक्रम अन्र्तरगत चण्डेश्वरी माध्यमिक विद्यालयमा कक्षा १ देखि ५ कक्षामा अध्यनरत विद्यार्थीहरुलाई न्यानो कपडा स्वीटर वितरण गरेको हो । बैंकले मंगलबार एक कार्यक्रमको आयोजनागरि स्वीटर वितरण गरेको हो ।
सन्राईज बैंक लि. प्रिति शाखाका प्रबन्धक सुनिल न्यौपानेको अध्यक्षतामा भएको कार्यक्रका प्रमुख अतिथि समेत रहेका उमाकुण्ड गाउँपालिका अध्यक्ष शेर बहादुर सुनुवारले सनराईज बैंकले दुर्गम स्थानमा आएर सरल र सहजरुपमा सेवा दिएको बताए ।
गाउँपालिका अध्यक्ष सुनुवारले कार्यक्रमलार्य सम्बोधन गर्दै भने “ केहि बर्ष अघि सम्म यो स्थानमा बैंक तथा व्यवस्थित बित्तिय संस्था थिएन । जब यो स्थानमा सनराइज बैंक स्थापना भयो । तब यो ठाउको नागरिकलाई सहज भयो । धेरै यो क्षेत्रको नागरिक बाहिर बस्ने हुदा दश बिस हजार लिन मन्थली वा जिरी पुग्न पर्ने अवस्था थियो । पैसा बोकेर हिड्न त्यतीकै समस्या थियो । पैसा घरमा राख्दा पनि चोरीको खतरा थियो । जब बैंक यो स्थानमा बस्यो सबै समस्या सहज भयो । आज झन आफ्नो सामाजिक त्तरदायित्व कार्यक्रम अन्र्तरगत न्यानो कपडा बितरण गरेर बैंकले प्रति बासीको मन जितेको छ अध्यक्षले भने ।
कार्यक्रममा गाँउपालिका –४ का वडा अध्यक्ष मान बहादुर सुनुवार, सन्राईज बैंक लि बाम्ती शाखाका प्रबन्धक निरज ढकाल, उमाकुण्ड गाउँपालिका शिक्षा, तथा खेलकुद विकास शाखाका प्रमुख विनिता महत, विद्यालय व्यवस्थापन समितिका पधाधिकारीहरु, विद्यालयका शिक्षक शिक्षिका तथा कर्मचारीहरु र उक्त विद्यालयका विद्यार्थी तथा अभिभावकहरुको उपस्थिति थियो ।
