रामेछाप । जिल्लाको सदरमुकाम मन्थली नगरपालिकाको बिभिन्न वडामा रहेको सामुदायिक बनमा भिषण आगोलागी भएको छ । केहिदिन देखी लागेको आगो नियन्त्रण बाहिर गएको छ । समयमा नागरिकलाई आगो लागीको कारण हुने क्षतिको बारेमा सुचना दिन नसक्दा र जानारी दिन नसक्दा आगोलागीको घट्ना बढदै गएको छ ।
मन्थली नगरपालिकाको २,३,४,५,६,७,८,११,१२ नम्बर वडाको जंगलमा केहिदिन देखी आगोलागी भइरहेको छ । आगो नियन्त्रणमा खासै स्थानिय तहले समेत कोसिस नगरेको स्थानियले बताउदै आएका छन् । आगो नियन्त्रणको कोसिस नगर्दा र आगोलगाउने समुह वा व्यक्तिको खोजि नगर्दा झनै आगो लगाउने क्रम बढेको छ ।
मन्थली नगरपालिका सहित केहि आसपासको स्थानमा आगलागीबाट हाल सम्म करोडौको क्षति भएको जिल्ला प्रहरी कार्यालय रामेछापले जनाएको छ । साथै प्रहरीले आगलागी भइरहेको क्षेत्रका नागरिकलाई सुरक्षित स्थानमा बस्नको लागि आग्रह गरिरहेको छ ।
जिल्ला प्रहरी कार्यालय रामेछापका डिएसपी होमबहादुर पराजुलीले मन्थली नगरपालिकाको विभिन्न क्षेत्रमा लागेको आगो नियन्त्रण बाहिर रहेको बताउदै त्यस क्षेत्रका नागरिकलाई सुरक्षित स्थानमा जानको लागि आग्रह गरिएको बताए । आगलागीबाट अहिलेसम्म मानविय क्षति नभएको बताउदै जताततै जंगलमा आगलागी फैलिएको कारण नियन्त्रणमा आउन नसकेको उनले बताए ।
