चरामेछाप । सिन्धुलीको हरिहरपुरगढी गाउँपालिकाका भुमिहिनहरुलाई लालपुर्जा बितरणको लागी निस्सा बितरण गरिएको छ । भूमि आयोग सिन्धुलीका अध्यक्ष बाबुराम राई हरिहरपुरगढी गाउँपालिकाका अध्यक्ष बज्रध्वज वाइवाको उपस्थितीमा भूमिहीन दलित, सुकुम्बासी र अब्यबस्थित बसोबास गरिहेका २ नम्बर वडाका १ हजार, ७ नम्बर वडाका १ हजार र ६ नम्बर वडाका ९ सय जनालाई लाई निस्सा बितरण गरिसकेको छ ।
भूमि आयोगले ३ नम्बर वडाका १७ जना भूमिहीनलाई भने जग्गाधनी प्रमाण पूर्जा समेत बितरण गरिसकेको छ । लामो समय देखि हरिहरपुरगढी गाउँपालिकामा अब्यवस्थित रुपमा बसोबास गरिरहेका स्थानियलाई ब्यबस्थित गर्ने उदेश्यले भूमि आयोगको सहयोगमा ८ वटै वडामा लालपूर्जा वितरणको प्रक्रियाका लागि भूूमिको निस्सा वितरण गरिने गाउँपालिका अध्यक्ष वाइवाले बताए ।
भूमी आयोग सिन्धुलीका अध्यक्ष बाबुराम राईले निस्सा बितरण भइसकेको ठाउँमा जग्गाधनी प्रमाणपूर्जा बितरण काम केहि समयमै गरिने बताएका छन् ।
