रामेछाप । नेपाल खेलकुद महासंघको कोषाध्यक्षमा रामेछापका युवा उज्वल सुबेदी निर्विरोध निर्वाचित भएका छन् । खेलकुद महासंघको बिराटनगरमा भएको दोस्रो राष्ट्रिय महाधिवेशनमा सुुबेदी कोषाध्यक्ष पदमा चुनिएका हुन । यसघि पनि उनी कोषाध्यष पदमा नै बसेर एक कार्यकाल बिताएका सुुबेदी अनुुभवले खारिका युवा हुन् । यसपटकको अधिवेशनमा कोषाध्यक्ष पदमा सुुबेदीको मात्रै उम्मेदवारी परेको थियो । त्यस्तै महासंघको अध्यक्षमा पर्शुराम बस्नेत पनि निर्बिरोध निर्वाचित भएका छन् । अध्यक्ष पदमा दुुईजनाको उम्मेदवारी परेको थियो ।
अधिवेशनले पाँच उपाध्यक्ष, एक महासचिव, एक कोषाध्यक्ष, नौ सचिव र १७ पदाधिकारी र सदस्यमा नयाँ नेतृत्व चयन गर्ने छ । अध्यक्ष र कोषाध्यक्ष गरी दुुई पदका उम्मेदवार निर्विरोध निर्वाचित भएपनि अन्य पदहरुमा भने सहमतीको प्रयास भइरहेको नवनिर्वाचित कोषाध्यक्ष उज्वल सुबेदीले जानकारी दिए ।
उनले भने– सबै पदहरुमा सहमतीको आधारमा सर्वसम्मत गर्ने गरी महाधिवेशन समापन भएको छ । हामी सबै पदका आकांक्षी उम्मेदवारहरु सहित बसेर कसरी सहमती गर्ने भन्ने बिषयमा छलफलमा छौं । केही दिनभित्रै सबै पदहरुमा सर्वसम्मत गरी सोको बिषयमा जानकारी गराइने कोषाध्यक्ष सुुबेदीले बताए ।
तत्कालै नवनिर्वाचित सवै पदाधिकारीहरुले शपथ र विजय उत्सव गर्ने छैनन् । केहीदिन अघि खेलकुद महासंघका एकजना प्रतिनिधि सदस्यको दुुःखद निधन भएका कारण उनीहरुले शपथ ग्रहण अविरजात्रालाई केही दिन पर सारेका हुन् । निधन भएका सदस्यको तेह्रो पुन्यतिथिपछि मात्रै नवनिर्वाचित पदाधिकारीहरुले शपथ लिने र अबिरजात्रा गर्ने जनाएका छन् ।