रामेछाप । रामेछाप जिल्लाको सदरमुकाम मन्थलीमा रहेको खानेपानी तथा सरसफाइ डिभिजन नं–४ रामेछापका प्रमुख डिभिजन ईन्जिनियर हुपेन्द्र जोशीले कार्यालयलाई मनोमानी ढंगले सञ्चालन गर्दै आएको छ । प्रमुख जोशीले आफु अनुकुल फाइदा हुने गरी जिम्मेवारी दिने काम गर्दै आएका छन् । आफु अनुकुल काम गर्ने र सोहि अनुसार जिम्मेवारी दिदै काम लगाउने गरेको कर्मचारीहरुको गुनासो छ ।
प्रमुख जोशी एक पम्प उत्पादन निजि कम्पनिको आमन्त्रणमा भारत भ्रमणमा गएका छन् । भारत जानु अघि प्रमुख जोशिले कार्यालयमा काम गर्ने ईन्जिनियर र लेखा अधिकृत हुँदा हुँदै नियम विपरित आफु अनुकुल कर्मचारी कम्प्युटर अपरेटर खुम्ब बहादुर मगरलाई कार्यालयको निमित्त प्रमुख दिएर हिडेका छन् । विहिबार आफना विश्वास पात्र मानिने मगरलाई कार्यालयको निमित्त प्रमुख दिएर हिडेपछि कर्मचारी बिरोधभाष उत्पन्न भएको हो ।

सरकारी नियम अनुसार कुनै पनि कार्यालय प्रमुखले कार्यालय छाडेर बाहिर जानु अघि प्राविधिक कार्यालयको हकमा दोस्रो बरियतामा रहेको ईन्जिनियर र ईन्जिनियर नभए सब ईन्जिनियर र सब ईन्जिनियर पनि नभए प्रशासन तर्फको सिनियर ब्यक्तिलाई निमित्त प्रमुखको जिम्मेवारी दिएर बाहिरिनु पर्ने प्रावधान रहेको छ । तर डिभिजन ईन्जिनियर जोशिले भने उक्त प्रावधान विपरित गैर कानुन विपरित काम गरेर कानुनको वर्खिलाप गरेको आरोप कर्मचारी वृत भित्र लागेको छ ।

रामेछाप सिन्धुली र दोलखा गरि तीन जिल्लाको मुख्य कार्यालय मन्थलीमा रहेको र उक्त कार्यालयको प्रमुखले जिम्मेवारी पुर्ण काम गर्नु पर्नेमा एक पछि अर्काे गर्दे गैर जिम्मेवार काम गरेर कार्यालय बाट हुने नागरिकको काममा समस्या आउँदा पनि तालुकि कार्यालयले भने प्रमुख जोशिको कामका बारेमा कुनै वास्ता गरेको छैन् ।
कार्यालयमा स्थाई प्राविधिक कर्मचारी समेतको अभाब रहेको र अस्थाई तथा करारका कर्मचारी हरुको काममा कार्यालय प्रमुखले विश्वास नगरेका कारण कतिपय नयाँ योजनाहरु पनि सम्झौता हुन सकेका छैन्न भने कतिपय चालु योजनाहरुको काम पनि अघि बढ्न सकेका छैनन् ।

रामेछापमा मात्र नभएर दोलखा र सिन्धुलि जिल्लामा पनि प्रमुख जोशिको कार्यशैलिको बारेमा कुरा उठेपछि निजलाई खानेपानी प्रदेश कार्यालयले धादिङ खानेपानीमा सरुवा पनि गरेको थियो । तर प्रदेश सचिव स्तरको २०७९ पुस ७ मा बसेको बैठकको निर्णय भन्दै धादिङमा भएको सरुवा बदर गरी जोशीलाई मन्थलीमानै पदस्थापना गरेपछि उहाँको मनोबल बढेको आरोप लागेको छ ।
जोशिको विभेदपुर्ण र अब्यवहारिक निर्णयका कारण कार्यालयमा कार्यरत अधिकााश कर्मचारीहरुमा असन्तुष्टि चुलिदा कतिपय उपभोक्ता समिति हरुको काम तामेलिमानै समस्या उत्पन्न भएको छ ।
आर्थिक वर्ष०७९÷८० मा प्रदेशतर्फ रामेछापमा ४४, दोलखामा ६४ र सिन्धुलीमा ४९ गरी कुल जम्मा १ सय ५७ वटा योजना संचालनमा रहेका छन् । ति योजना मध्ये कतिपय योजनाको कामले गति लिन सकेका छैनन् ।

कार्यलयका एक कर्मचारीले भने कार्यालयले गर्ने धेरै काम हरु भद्रगोल अबस्थामा रहेका छन् । फिल्डमा खटिने कर्मचारी, इन्जिनियर पनि गाउँ गएका छैनन् । यतिबेला उपभोक्ता समितिहरूले काम धमाधम गर्नु पर्ने बेला कार्यालय प्रमुखले बजेट छैन, भनेर काम रोक्नु पनि सर्व साधारणको लागि दुर्भाग्य पुर्ण कुरा रहेको बताए ।
यसबारेमा प्रमुख जिल्ला अधिकारी शोभाखर रेग्मी संग सम्पर्क गर्दा रेग्मीले कार्यालयका प्रमुखको कामका बारेमा यस अघि पनि गुनासो आएको भन्दै नियम विपरित गएर कम्प्युटर अपरेटरलाई निमित्त प्रमुख दिनु गलत भएको बताए । प्रमुख जिल्ला अधिकारी रेग्मीले भने – प्राविधिक तर्फका कार्यालयको हकमा प्रमुखले निमित्त दिंदा आफु भन्दा मुनिको ईन्जिनियर र ईन्जिनियर नभए सब ईन्जिनियर र त्यो पनि नभएर प्रशासन तर्फको सिनियर ब्यक्तिलाई निमित्त दिएर जानु पर्ने हो । तर कार्यालय प्रमुखले यसो गरेर गलत काम गरेको देखिन्छ । यस बारेमा कार्यालयमा हाजिर हुना साथ कार्वाहिको लागि आवश्यक प्रकृया अघि बढाईने जानकारी प्रनि प्रजिअ रेग्मीले दिए ।