रामेछाप । बागमति प्रदेश सभामा सरकारको नेतृत्व गर्ने तरखरमा रहेको नेकपा एमाले रामेछापले जिल्लाबाट वाग्मती प्रदेश सभा सदस्यका रुपमा निर्वाचित आफना दुई जना सदस्यलाई सम्मान गरेको छ ।एमाले रामेछापको बुधबार मन्थलीमा सम्पन्न पार्टीको सातौँ जिल्ला कमिटी बैठकले जिल्लाबाट समानुपातिक तर्फबाट प्रदेश सभा सदस्यमा निर्वाचित हुनुभएका पार्टी अध्यक्ष आनन्द श्रेष्ठ र वाग्मती प्रदेश सदस्य मायाकुमारी कार्कीलाई कार्यालय परिसरमा सम्मानित गरेको हो ।
जिल्ला अध्यक्ष समेत रहनु भएका श्रेष्ठ पार्टिको जनजाति तर्फबाट प्रदेश सभा सदस्य निर्वाचित हुनुभएको हो भने कार्की खस आर्य कोटा तर्फ महिला समुदायबाट प्रदेश सभामा निर्वाचित हुनुभएको हो । निर्वाचित दुवै जनालाई जिल्ला कमिटिको बैठकका प्रमुख अतिथि एवं नेकपा एमाले स्थायी कमिटी सदस्य तथा वाग्मती प्रदेश इञ्चार्ज काशीनाथ अधिकारीले सम्मान पत्र प्रदान गर्नुभएको जानकारी एमाले रामेछापले गराएको छ ।
पार्टी पोलिटब्युरो सदस्य कमल चौलागाईं, केन्द्रीय सदस्यहरु क्रमश कैलाशप्रसाद ढुङ्गेल, माधव ढुङ्गेल, गीता कार्की लगायतको रोहबरमा गरिएको उक्त सम्मान कार्यक्रमका अबसरमा उहाँहरुलाई प्रमुख अतिथिले सम्मान पत्र तथा खदा माला लगाएर कार्यकाल शुभकामना सहितको बधाई दिनुभएको थियो ।
