रामेछाप । मंसिर ४ गते हुने प्रतिनिधी र प्रदेश सभा सदस्यको निर्वाचनमा नेकपा माओवादी बाट असन्तुष्टि जनाउदै मनोनयन दर्ता गराएका माओबादी नेताहरु डिल्लीमान तामाङ र रबिन्द्र पौडेलले आफ्नो उम्मेरदवारी फिर्ता लिएका छन् । प्रदेश सभा “क” बाट रबिन्द्र पौडेल र प्रदेश सभा“ख” वाट डिल्लीमान तामाङले आफ्नो उमेद्वारी फिर्ता लिदै पार्टिको उम्मेरदवारलाई सर्मथन गर्ने भएको हो ।
मुख्य निर्वाचनको कार्यालयले जारी गरेको सुचनामा बुधवार १ बजे सम्म रहेको मनोनयन फिर्ताको समयमा २ जनाले मात्र आफ्नो उमेद्वारी फिर्ता लिएको मुख्य निर्वाचन अधिकृतको कार्यायले जनाएको छ । यी बाहेक अब जिल्लाको प्रतिनिधि सभामा २२ जना , प्रदेश सभा “क” मा ११ जना र “ख” मा १२ जनाको उमेद्वारी कायम रहेको छ । गठबन्धन अन्तर्गत माओवादीका बागी उमेद्वारहरुले आफ्नो उमेद्वारी फिर्ता लिएको भएपनि काँग्रेसका वागि उमेद्वार र समाजवादीका उमेद्वारहरु कायमै रहेका छन् ।
