रामेछाप । मंसिर ४ गते हुने प्रतिनिधि सभाको निर्वाचनमा नेपाली कांग्रेस नेतृत्वको गठबन्धनका उम्मेरदवार पुर्ण बहादुर तामाङ (कान्छाराम) र नेकपा एमालेको नेतृत्वमा बनेको गठबन्धनका तर्फ बाट कैलाश ढुङगेलको प्रतिस्पर्धा हुने भएको छ । एक मात्र निर्वाचन क्षेत्र भएको रामेछापमा मुख्य ठुला दलहरु बाट दुई नेता बिच प्रतिस्पर्धा हुने भएको हो ।
नेपाली कांग्रेसको नेतृत्वमा नेकपा माओवादी, नेकपा समाज वादी लगाएत दलले गठबन्धन गरेर निर्वाचनमा जाने भएको छ भने नेकपा एमालेको नेतृत्वमा राष्ट्रिय प्रजातान्त्रिक (राप्रपा), र जनता समाजवादी पार्टी (जसपा) बिच गठबन्धन गरेर निर्वाचनमा जाने भएको हो ।
कांग्रेस नेतृत्वको गठबन्धन बाट उम्मेदवार बनेका पुर्णबहादुर तामाङ (कान्छाराम) २०७४ सालको निर्वाचनमा पनि नेपाली कांग्रेसको तर्फ बाट उम्मेदवार बनेका थिए । उनले २०७४ सालको निर्वाचनमा नेकपा एमाले र माओवादी केन्द्रको सयुक्त गठबन्धनबाट उम्मेदवार बनेका श्याम कुमार श्रेष्ठ कुशल संग सानो मतले हार ब्यहोर्न परेको थियो ।
२०७४ सालको निर्वाचनमा सयुक्त गठबन्धनका उम्मेदवार श्रेष्ठले ४२ हजार १ सय १७ मत प्राप्त गरी बिजय भएका थिए भने नेपाली कांग्रेस बाट उम्मेरदवार बनेका पुर्णबहादुर तामाङ (कान्छाराम)ले ३५ हजार ७ सय ७१ मत प्राप्त गरेका थिए । अहिले नेकपा माओवादी केन्द्र संग गठबन्धन हुदा नेपाली कांग्रेसका जिल्ला सभापती समेत रहेका तामाङले निर्वाचन आफु अनुकुल हुने अनुमान गरेको कांग्रेस नेता कार्यकर्ताको भनाई छ ।
त्यसै गरी नेकपा एमालेको नेतृत्वमा बनेको गठबन्धनबाट उम्मेरद्वार बनेका ढुङगेल २०७४ सालको प्रदेश सभा ख को निर्वाचनमा नेपाली कांग्रेसका उम्मेरद्वार जितबहादुर मगरलाई भारी मतान्तरले पराजित गरेका थिए । कांग्रेस उम्मेदवार मगरले १४ हजार ७ सय २९ मत प्राप्त गर्दा उनले २६ हजार ९ सय ३५ मत प्राप्त गरेका थिए । त्यसकारण मंसिर ४ गते हुने प्रतिनिधि सभाको निर्वाचनमा तामाङ्ग र ढुङगेलको कडा प्रतिस्पर्धा हुने राजनितिक दलका नेता तथा कार्यकर्ताको आकलन रहेको छ ।
