रामेछाप । आगामी मंसिर ४ हुने प्रतिनिधिसभा सदस्य प्रत्यक्ष तर्फ र समानुपातिक तर्फ उम्मेदवार वन्ने उम्मेदवारको नाम जिल्लावाट छनौट गरी केन्द्रमा सिफारिस गरेको छ ।
नेकपा एमाले पार्टी कार्यालय रामेछापमा सोमवार बसेको बैठकले प्रतिनिधि सभा सदस्यमा बागमती प्रदेश सभा सदस्य एवं एमालेका केन्द्रीय सदस्य समेत रहेका जिल्ला इन्चार्ज कैलाश प्रसाद ढुंगेल, केन्द्रीय सदस्य माधव ढुंगेल, बागमती प्रदेश कमिटी सदस्य रत्नप्रसाद गौतमको नाम सिफारिस गरेको छ । त्यस्तै कमल प्रसाद चौलागाई र केशरवहादुर बुढाथोकीको नाम बैठकले सिफारिस गरेको नेकपा एमाले रामेछापका अध्यक्ष आनन्द कुमार श्रेष्ठले जानकारी दिए ।
उनका अनुसार सोही बैठकले प्रतिनिधि सभा सदस्य समानुपातिक तर्फ गीता कार्की, नाम्गेल शेर्पा, धनमाया सार्की र यसिमा महतको नाम सिफारिस गरेको हो । त्यसैगरी केही दिन अघि पार्टी कार्यालयमा बसेको बैठकले प्रदेश सभा तर्फ जाने उम्मेदवारको नाम समेत पार्टीले सिफारिस गरिसकेको छ ।
जसमा प्रदेश सभा क निर्वाचन क्षेत्रतर्फवाट प्रत्यक्ष तर्फ शान्तिप्रसाद पौडेल, अर्जुनकुमार कार्की, उद्धव प्रसाद कडरिया, पर्शुराम बस्नेत, अनिल कार्की, कुमार कार्की, बुद्धिवहादुर कार्की र केशर पौडेलको नाम सिफारिस गरेको छ भने समानुपातिक तर्फ २ जनाको नाम सिफारिस गरेको छ । त्यस्तै प्रदेश सभा ख निर्वाचन क्षेत्रवाट प्रत्यक्षतर्फ प्रेमवहादुर तामाङ, भुवन विक्रम घिमिरे, इन्द्रवहादुर तामाङ, मिलन घिसिङ र रविन्स लामाको नाम सिफारिस गरेको छ भने समानुपातिक तर्फ १० जनाको नाम सिफारिस गरेको नेकपा एमाले रामेछापले जनाएको छ ।
