रामेछाप । मंसिर ४ गते हुने प्रदेशसभा निर्वाचनमा नेपाली कांग्रेसका नेता अर्जुन केसीले आफ्नो दावी रहेको बताएका छन् । कांग्रेस नेता केसीले रामेछापको दुई क्षेत्र प्रदेश सभा (क) र (ख)मध्य एक क्षेत्रबाट आफु चुनाब लड्ने तयारीको साथ पार्टी भित्र आफ्नो दावी रहेको बताएका छन् । स्कुले जिवन देखी निरन्तर राजनितिमा रहेका कांग्रेस नेता केसीले पार्टी भित्र आकांक्षा आफ्नो स्वभावीक रहने भन्दै रामेछापको दुई क्षेत्र प्रदेश सभा (क) र (ख)मध्य एक क्षेत्रमा पार्टीले आफुलाई उमेरदवारी बनाउने कुरामा आफु बिश्वस्त रहेको बताए ।
कक्षा ९ मा पढ्दा देखी नेपाल विद्यार्थी संघको सदस्यता लिएर आफु निरन्तर राजनितिमा रहेकोले आफुलाई यस पटन जिम्मेवारी दिने कुरामा आफु विश्वस्त रहेको बताए ।
विक्रम संवत २०१८ साल श्रावण १५ गते साविक भिरपानी गाविस हाल खाँडादेवी गाउँपालिका–३, भीरपानीमा जन्मिएका केसी अध्ययनका लागि सिन्धुलीको प्रगतिशील मावि रातामाटामा कक्षा ९ मा पढ्दै गर्दा पहिलो पटक नेपाल विद्यार्थी संघको सदस्यता लिएका थिए ।
नेता केसीले उच्च शिक्षा हासिलका लागि शंकरदेव क्याम्पसमा आइकममा भर्ना भए । अध्यनको क्रममा पदीय जिम्मेवारीमा नरहेपनि नेविसंघको हरेक गतिविधिमा आफु सक्रिय रूपमा सहभागी भएर प्रजातन्त्र र बहुदलीय व्यवस्थाको वकालत गरिरहेको बताए । क्याम्पस पढ्दा २०३६ सालको आन्दोलनमा आफु धेरै पटक पक्राउ पर्ने परेको केसीले बताए ।
स्नातक तह अध्ययन गर्न मिन भवन क्याम्पस पुगेका उनी राजनीतिले तानेर पुन: स्नातकोत्तरका लागि शंकरदेव क्यामपसमा नै फर्किए । तथापी उनले पदीय जिम्मेवारीमा भन्दापनि बाहिरबाट सहयोग गरिरहे । धेरैजसो पर्दा पछाडीबाट सहयोग गरिरहेका केसीलाई राजनीतिमा सक्रिय रहन दाजु कृष्ण कुमार केसीको पनि उत्तिकै भूमिका रहेको बताउँछन् ।
त्यस बेला केसीका दाजु शिक्षकको तर्फबाट शिक्षक संघको महासचिव थिए जसको प्रत्यक्ष अप्रत्क्ष प्रभाव उनमा पनि नपर्ने कुरै भएन । सायद त्यसैले होला गाउँमा जाँदा पनि उनी र पून्य बहादुर खत्रीसँगै पञ्चायती व्यवस्थाको बिरोध गर्दै बहुदलीय व्यवस्थाको वकालत गरिरहन्थे ।
२०४२ सालको सत्याग्रहमा केसी प्रहरी हिरासतमा परे । २०४६ सालको जनआन्दोलनमा उनी जेल परे । तथापी कसी एक हप्तामा छुटे ।
त्यस पछी केसी २०५९ सालमा नेपाली कांग्रेस रामेछापको क्षेत्र नम्बर २ को क्षेत्रीय सभापति भए । ११औँ अधिवेशनमा जिल्ला कार्यसमित सदस्य निर्वाचित भएर कोषाध्यक्षको जिम्मेवारीमा रहेर काम गरे । १२औँ अधिवेशनमा जिल्ला सभापतिको प्रतिस्पर्धा गरे तर दोस्रो भए । त्यसबेला उनी महासमिति सदस्य भएर पार्टीको जिम्मेवारीमा रहे । १३औँ अधिवेशनमा पनि तीन जनाले जिल्ला सभापतिमा उम्मेद्वारी दिएका थिए । तीनजनामा उनी पहिलो भए तर दोस्रो चरण उनी सभापति हुन सकेनन् । महासमिति सदस्य रहेर पार्टीको संगठनमा अनवरत रूपमा खटिरहे । १४औँ महाधिवेशनमा उनी महाधिवेशन प्रतिनिधिको रूपमा सबैभन्दा धेरै मत ल्याएर विजयी भए ।
व्यक्तिगत भन्दा पनि सामुहिकतामा विश्वास राख्ने केसी सामान्य जनजीवनमा रमाउने प्रकृतिका सरल स्वभावका रूपमा कार्यकर्ताले चिन्दछन् । अहिलेसम्म जनप्रतिनिधिको रूपमा कुनै जिम्मेवारीमा नबसेका केसी प्रदेशको मात्रै नभइ संघको टिकटको पनि स्वत दाबेदार भएको बताए तर बढीमात्रामा आफु प्रदेशको तयारीमा लागेको बताउछन् । सबै कार्यकर्तासँग समान ब्यवहार गर्दै आएका केसी हालसम्म कुनै पदमा लोभिएको देखिदैनन् । केसीले पछिल्लो समय पार्टीले टिकट दिए गठबन्धन भए पनि नभए पनि निर्वाचनमा जाने र जनमतको कदर गर्ने बताउँछन् ।
