रामेछाप । जिल्लाको सुनापती गाउँपालिका–३ हिलेदेवीवाट काठमाण्डौं तर्फ जादै गरेको बा ३ ख ८३९६ नम्वरको यात्रुवाहक बस खाँडादेवी गाउँपालिका–१ लुभुघाटमा मगंलवार बिहान दुर्घटना परी मृत्यु हुनेको संया १३ पुगेको छ ।
गाडी दुर्घटनामा परी ९ जनाको घटनास्थलमा र ४ जनाको धुलिखेल अस्पतालमा उपचारको क्रममा मृत्यु भएको हो । रामेछापको सुनापति गाउँपालिकाको हिलेदेवीको स्वारावाट काठमाण्डौंको लागी छुटेको यात्रुवाहक बस खाडाँदेवी गाउँपालिकाको लुभुघाट सडकको मोडबाट करीव १ सय मिटर तल भिरमा खसी दुर्घटना भएको हो । दुर्घटनामा परी गाडीमा सवार २४ जना घाइते भएका छन् । घाइते मध्ये ३ जनालाई हेलिकोप्टर मार्फत र बाँकी २१ जनालाई एम्वुलेन्स र जीपमा राखेर उपचारको लागि धुलीखेल अस्पताल पठाइएको छ । केही घाइते सामान्य भएकाले स्थानिय स्वास्थ्य चौकीमा उपचार भइरहेको प्रहरीले जनाएको छ ।
गाडी दुर्घटनापछि उद्धारको लागि रामेछापका प्रमुख जिल्ला अधिकारी दीपकराज पहाडीको नेतृत्वमा जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङ, शसस्त्र प्रहरी मन्थली आश्रीत गुल्मका प्रहरी नायव उपरीक्षक केशवराज प्याकुरेल लगाएतको टोली घटनास्थल पुगेको थियो । यात्रुवाहक वसमा कती यात्रु सवार थिए र गाडी दुर्घटना के–कती कारणले भयो भन्ने खुलेको छैन । तर प्रत्यक्ष दर्शीका अनुसार करीव ४० जना यात्रुहरु उक्त बसमा रहेको जनाइएको छ ।
मृत्यु भएका सबै जनाको सनाखत भएको छ । बस दुर्घटनमा परि मृत्यु हुनेहरुमा सुनापती गाउँपालिका–५ रामेछापका ६० वर्षिय ठूलो तामाङ, सुनापति–४ की वर्ष २६ की समिता तामाङ, सुनापति ५ का ६५ बर्षिय खट वहादुर विक, सुनापति–५ कै २२ बर्षिय बिपना तामाङ, सुनापति–५ कै ३५ वर्षिय सन्जु आलेमगर रहेका छन् ।
त्यसैगरी मृत्यु हुनेमा रोशी गाउँपालिका–४ काभ्रेका २५ वर्षिय कमल तामाङ, पाँचखाल नगरपालिका–८ काभ्रेका १८ वर्षिय सुदीप बस्नेत, मन्डनदेउपुर–९ काभ्रेका ६० बर्षिय सभलक्ष्मी मानन्धर र पाँचखाल नगरपालिका–५ काभ्रेका ४० वर्षिय कुलबहादुर विक को घटनास्थलमा मृत्यु भई सनाखत भएको जिल्ला प्रहरी कार्याय रामेछापका प्रहरी नायव उपरीक्षक राजकुमार थिङले जानकारी दिए ।
उनले भने– धुलीखेल अस्पतालमा उपचारको क्रममा मृत्यु भएका ४ जनाको भने सनाखत हुन वाँकी रहेको र अन्य घाइतेको नामावली संकलन हुने काम भइरहेको पनि उनले जानकारी दिए ।
