रामेछाप । नेपाली कांग्रेस मन्थली नगरपालिका–११ का वडा अध्यक्षका उम्मेदवार गणेश बहादुर बोहोराले वडामा सुशासन ल्याउन र समृद्ध वडा वनाउन आफ्नो उम्मेदवारी रहेको बताएका छन् । वडामा बिभिन्न खाले विकृती फैलिएको र वडामा बेरोजगार युवाहरुको संख्या बढ्दै गएकोले अध्यक्ष पदमा आफ्नो उम्मेदवारी रहेको बताएका छन् ।
अभिभावकले सन्तानको भविष्यको लागी र युवाहरुले आफ्नो भविष्य सुरक्षित गर्नको लागी पनी आफुलाई मन्थली ११ का नागरीकले मतदान गरेर निर्वाचित गराउने बोहोराले बताएका छन् । मन्थली नगरपालिकामा पछिल्लो पुस्ताका युवाहरु कुलत तर्फ लाग्ने क्रम दिन दिनै बढ्दै गएकोले त्यसको रोकथाम र नियन्त्रणको लागी आफु बाहेक अरुले रोक्न नसक्ने वडा अध्यक्षका उम्मेदवार बोहोराले बताए ।
आफु शिक्षक पेशा बाट आएको कारण वडा भरिका युवा र वालबच्चाकोे भविष्यको चिन्ता र चासो अभिभाबक लाई जतिकै आफुलाई पनी हुने भएकोले वडामा सबै भन्दा पहिला सुशासन ल्याउन लागी पर्ने बताएका छन् । जब सम्म सुशासन हुदैन तब सम्म वडा मात्र नभएर घरमा पनी समृद्धि नआउने बताए । सुशासन लागु भए संगै विकासले आफै मुहार फेर्ने उनले भनाई छ ।
वडा अध्यक्षका उम्मेदवार बोहोराले भने ५ वर्ष अघिको बिकास र अहिलेको बिकास हेर्ने हो भने कुनै परिर्वतन भएको छैन् । जुन सडक ५ वर्ष अघि बनेका थिए त्यस पछी अन्य सडक खने पनी सवारी साधन चल्ने अवस्थामा छैन । ५ वषमा ५ करोड भन्दा वढी रकम वडा मार्फत खर्च भएको अवस्थामा वडामा कुनै परिवर्तन नआएकोले बिकास निर्माणको लागी पनी आफ्नो उम्मेदवारी आवश्यक रहेको बताएका छन् ।
