रामेछाप । जिल्ला प्रहरी कार्यालय रामेछापका प्रहरी नायब निरीक्षक (सई) प्रकाश पौडेलले एक नाबालक जोडिसंँग १ लाख रुपैयाँ घुस लिएको आरोपमा प्रहरी हिरासतमा तानिएका छन् ।
सर्लाही जिल्ला घर भई हाल मन्थली नगरपालीका–१ मन्थली बजारको फरमुला अटोसोलुसनमा कार्यरत करिब १९ बर्षिय मजदुर पुरुषोतम यादबले दोलखा जिल्ला घर भई हाल रामेछापको मन्थलीमा बस्दै आएकी एक १४ बर्षिय बालीकासँग विवाह गरेको कसुर ढाकछोप गरी मिलाईदिने बहानामा १ लाख रुपैयाँ घुस लिएको आरोपमा जिल्ला प्रहरी कार्यालय रामेछापले उनलाई हिरासतमा लिएको हो ।
मन्थली बजारको सुरक्षाका लागि गस्तीमा खटिएको बेला प्रहरी नायब निरीक्षक पौडेलले एक हप्ता अघि यादवले काम गर्दै आएको कम्पनीमा नै पुगेर बालीकासँग अनमेल विवाह गरेको कारण कानुनी कार्वाहि भोग्नु पर्ने चेतावनी दिएका थिए । पौडेलको धम्किबाट अतालिएका यादबले पनि घटनालाई मिलाई दिन आग्रह गरे । सो क्रममा प्रहरी नायब निरीक्षक पौडेलले कसैलाई नभन्ने सर्तमा यादवसँग १ लाख ५० हजार रुपैयाँ लाग्ने भन्दै रकम माग गरेका थिए ।
मजदुर यादबले एकै पटक आफुुसँग त्यति धेरै रकम दिनसक्ने अवस्था नरहेको बताएपछि प्रहरी नायव निरीक्षक पौडेलले किस्ता बन्दीमा रकम दिन आग्रह गरे । उनको आग्रह अनुसार यादवले पहिलो किस्ता बापत १ लाख रुपैयाँ पौडेललाई दिएका थिए । बाँकी ५० हजार रुपैयाँ पछि काम गरेर तलब आएपछि दिने बताए । यता प्रहरी नायव निरीक्षक पौडेलले भने यादवको मोबायल नंम्बर लिएर यादबको जोडिलाई तत्काल जिल्लाबाट भाग्न निर्र्देशन दिए ।
प्रहरी नायव निरीक्षक पौडेलको निर्देशन अनुसार यादवले जिल्ला छाडेका हुन् । घटनाको बारेमा जानकारी लिन यादबको मोबायल नं–९८४०९०२६४४ मा पटक–पटक सम्पर्क गर्न खोज्दा निजको नम्बर स्वीच अफ भएकोले सम्पर्क हुन सकेन् । प्रहरीले भने यस घटनालाई अहिलेसम्म पनि गुपचुप राखेर टार्नै प्रयास गरिरहेको आरोप स्थानिय नागरिकहरुले लगाउँदै आएका छन् ।
प्रहरीले घटनालाई गुपचुप राखेको भन्ने आरोप र पौडेलले रकम असुलेर मान्छे भगाएको आरोपका सम्बन्धमा जिल्ला प्रहरी कार्यालय रामेछापका सुचना अधिकारी प्रहरी निरीक्षक श्रीशंकर श्रेष्ठले आरोपीत पौडेललाई हिरासतमा लिएर आबश्यक अनुसन्धान भईरहेको र बास्तविकता बुझने प्रयास भई रहेको बताए । उनले भने यसबारेमा पुष्टि भएपछि घटनाको स–विस्तार बाहिर ल्याउने जानकारी पनि गराए ।
