मन्थली । सात दिनदेखी बेपत्ता भएका मन्थली नगरपालिका–१ का २७ बर्षिय दिपेश मानन्धर लाई फेला पार्ने व्यक्तिलाई उनका परिवारले इनाम स्वरुप १ लाख ११ हजार १ सय ११ रुपैयाँ पुरस्कार दिने घोषणा गरेका छन् ।
बिहिवार बिहान घरमा बुबा सँगै खाना खाएर मधुमेहको परीक्षणको लागि अस्पताल जान्छु भनेर हिडेका दिपेश अहिलेसम्म घर फर्किएका छैनन् । घरवाट निस्कदा दिपेशले निलो ज्याकेट, खैरो जुत्ता र जिन्सको पाइन्ट लगाएका थिए । विहिवार घरवाट निस्किएका उनी हालसम्म पनि परिवारका सदस्यहरु माझ सम्पर्कमा आएका छैनन् ।
घरपरिवारमा सम्पर्कमा नआएका दिपेशको खोजीको लागि उनका घरपरिवारका सदस्य, आफन्तहरु, जिल्ला प्रहरी कार्यालय र रासमको टिम समेत खोजी कार्यमा जुटेको छ । हराएका दिपेशको हुलीयासँग मिल्दोजुल्दो एक व्यक्ति मन्थली नगरपालिकाको फुलासीमा देखेको भन्दै केही स्थानियहरुले उनका अभिभावकहरुलाई खवर गरेसँगै त्यस क्षेत्रमा समेत घरपरिवारका सदस्यहरुले खोजी कार्य गरेका छन् । उक्त क्षेत्रका सवै स्थानहरुमा खोजी कार्य गर्दा पनि दिपेशलाई फेला पार्न नसकिएको खोजी कार्यमा संलग्न चन्द्र मानन्धरले जानकारी दिए ।
उनले भने– हामीले फुलासी, पोखरी आहाल, कुुखुरे आहाल, खाँडादेवी मन्दीर र त्यस क्षेत्रवरपर, दोरम्वा शैलुङ्ग क्षेत्रमा समेत खोजी गर्यौ । खोजी गर्ने क्रममा स्थानिय नागरिकहरु, सडकमा हिड्ने वटुवाहरु र यातायातका साधन चलाउने चालकहरुसँग समेत सोधपुछ गर्दा समेत फेला पर्न नसकेको मानन्धर बताए ।
यता केही व्यक्तिले मगंलवार दिउँसो दिपेश जस्तै व्यक्ति भकुण्डेवेसीमा देखिएको भनेपछि त्यस क्षेत्रमा पनि उनको खोजी कार्यमा आफन्तहरु परिचालन भएका छन् । यदी कसैले देखेमा उनका बुबा दिलकुमार मानन्धरको मोबाइल नंम्वर ९८५४०४३१८६ वा जिल्ला प्रहरी कार्यालयमा खबर गरिदिन परिवारले आग्रह गरेका छन् ।
कम्प्युटर विज्ञान बिषयमा स्नातक उतिर्ण गरेका दिपेशलाई छिनछिनमा निदाउने र शरिरमा आलश्यता पैदा हुने रोग लागेको थियो । निकै सरल र मिजाशिला रहेका उनी कम बोल्ने र नम्र स्वभावका थिए । उनको खोजी कार्यमा सहयोग पुर्याइदिन र कहीँ कतै देखेमा घरपरिवारका सदस्यहरुलाई खबर गरिदिन आग्रह गरिएको छ ।
