रामेछाप । नेपाली कांग्रेस रामेछाप प्रदेश ‘ख’ ले शनिबार बिभिन्न शाखा गठन तथा आमन्त्रित सदस्य मनोनित गरेको छ । नेपाली कांग्रेस रामेछाप प्रदेश ‘ख’का सभापती राजेशकुमार श्रेष्ठको अध्यक्षतामा जिल्ला पार्टीकार्यालय मन्थलीमा बसेको बैठकले पार्टी प्रवक्ता सहिते ६ वटा शाखा गठन गर्नका साथै १० जनालाई आमन्त्रीत सदस्यमा मनोनीत गरेको छ । पार्टीलाई चलायमान र नजिकिँदो स्थानीय निर्वाचनलाई ध्यानमा राखेर विधान बमोजिम विभिन्न शाखा गठन तथा आमन्त्रित सदस्य मनोनयन गरिएको सभापति श्रेष्ठले जानकारी दिएका छन् । श्रेष्ठले पार्टीका कार्यक्रम तथा गतिविधि तथा निर्णय आधिकारिक व्यक्तिबाट सार्वजनिक गर्ने र सूचनाको सहजताका लागि प्रदेश प्रतिनिधि शिवराज खडाकालाई प्रवक्ताको जिम्मेवारी तोकिएको बताएका छन् । त्यसैगरि विधानअनुसार सभापति श्रेष्ठले १० जना आमन्त्रित सदस्यहरू पनि मनोनयन गरेका छन् ।
साथै, मनोनित गर्न बाँकी रहेको एक सदस्यमा दोरम्बा शैलुङ गाउँपालिका–३ का शुवास जंङ्ग थापामगरलाई मनोनित गरिएको नवनियुक्त प्रवक्ता खड्काले जानकारी दिए । क्षेत्रीय कार्यसमितिको बैठकले फागुन २८ गते शनिवार प्रद्रश ‘ख’ अन्तर्गतका नगरपालिका, गाउँपालिका तथा वडाका पार्टी पदाधिकारीहरूलाई मन्थलीमा एकदिने प्रशिक्षण कार्यक्रम गर्ने निर्णय पनि गरिएको प्रवक्ता खड्काले बताए ।
बैठकले प्रबक्तामा प्रदेश प्रतिनिधि शिवराज खडाकालाई जिम्मेवारी तोकिएको छ भने सङ्गठन शाखाको संयोजकमा ज्ञानेन्द्र आरण, विकास शाखा संयोजकमा कपिल कार्की, कार्यक्रम समन्वय शाखा संयोजकमा सुजन ढुंगेल, अभिलेख शाखा संयोजकमा शकुन्तला त्रिपाठी प्रचार प्रसार शाखा संयोजकमा ज्ञानु श्रेष्ठ प्रशिक्षण शाखा संयोजकमा गुञ्ज बहादुर श्रेष्ठ चयन भएका छन् ।
त्यस्तै गरी आमन्त्रित सदस्यहरूमा बेथान बाट युवराज लामा, गुन्सी बाट प्रविन थापामगर मझुवा बाट शंकरलाल श्रेष्ठ गागलबाट रामहरी खड्का लखनपुर बाट सागर तामाङ चिसापानी बाट मनोज श्रेष्ठ डडुवा बाट तारा मोक्तान पिङ्खुरी बाट जोतेन्द्र भण्डारी भटौली बाट डोरदेव घिमिरे फुलासी बाट कान्छीमाया तामाङलाई मनोनित गरेको छ ।