काठमाण्डौं । प्रमुख प्रतिपक्षी दल नेकपा एमालेका अध्यक्ष तथा पुर्व प्रधानमन्त्री केपी ओलीले गठबन्धन तोड्न प्रधानमन्त्रीलाई प्रस्ताब गरेका छन् । एमाले अध्यक्ष वलीले अहिलेको गठबन्धन तोडेको खण्डमा अमेरिकी सहायता परियोजना एमसीसी पारित गन सहयोग गर्नेर्, चुनावसम्म प्रधानमन्त्रीमा सघाउने, संसद विघटन गरेर र अर्ली इलेक्सनमा जानुपर्ने लगाएतका प्रस्ताब ओलीको देउवा संग राखेको छ ।
प्रधानमन्त्री देउवा बालुवाटारमा सत्तारुढ गठबन्धनको बैठकमा सहमति नजुटेपछि बिहीबार साँझ वली निवास बालकोट पुगेका थिए । देउवालाई ओलीले एमालेको साथ चाहिने भए तत्काल आफ्नो प्रस्ताव मान्यहुन पर्ने बताएका छन् । गठबन्धन तोडे देउवालाई चुनावसम्म प्रधानमन्त्रीमा सघाउने र एमसीसी पास गर्न पनि मद्दत गर्ने ओलीले वचन दिएका छन् । तर, चुनावसम्म एमाले सरकारमा भने नजाने अडान ओलीको छ ।
देउवाले भने एमसीसी पास गरेर चुनावी सरकार बनाउन एमालेसँग प्रस्ताव गरेका छन् । ‘प्रधानमन्त्रीजीले चुनावी सरकारमा आउनुप¥यो भन्नुभयो । अध्यक्ष कमरेडले बाहिरै बसेर सरकारलाई समर्थन गर्ने भन्नुभएको छ,’ ओलीनिकट एक नेताले भने ।
गठबन्धन तोडिएपछि अर्ली इलेक्सनमा जाने ओलीको अर्को प्रस्ताव छ । माओवादी केन्द्र र एकीकृत समाजवादीले सरकार छाडेपछि संसद विघटन गर्न र अर्ली इलेक्सनमा जानुपर्ने ओलीको सर्त छ । एमाले उपाध्यक्ष सुवास नेम्वाङले भने एमसीसीबारे पार्टीले प्रस्ट धारणा बनाइनसकेको बताउँछन् ।
‘एमसीसी मुख्यालयलाई संयुक्त पत्र लेखिसकेर पनि पछाडि फर्किएको भन्दै देउवा माओवादी केन्द्रका अध्यक्ष पुष्पकमल दाहाल प्रचण्डसँग असन्तुष्ट छन् । सत्ता गठबन्धन बैठकमा सहमति नजुटेपछि देउवा पत्नी आरजु राणासहित ओलीनिवास बालकोट पुगेका थिए ।
सत्तारुढ गठबन्धनका दुई घटक माओवादी केन्द्र र एकीकृत समाजवादी तत्काल एमसीसी पास नगर्ने अडानमा छन् । शुक्रबार बिहान बसेको गठबन्धनको बैठकमा देउवाले एकीकृत समाजवादीको निर्णय कुर्ने बताएका छन् । समाजवादीको आज स्थायी कमिटी बैठक बस्दैछ ।