रामेछाप । रामेछाप नगरपालिकाले जिल्लामा पहिलो पटक सुरक्षित आवास गृह भवन निर्माण गरेको छ । नवनिर्मित सुरक्षित आवास गृह भवनको शुक्रबार उद्घाटन गर्दै नगर उपप्रमुख सृजना खड्काले जिल्लामा सुरक्षित आवास गृह नहुदा हिंसामा परेका महिला तथा बालबालिकाहरुलाई तत्काल उद्दारी राख्न समस्या रहेको भन्दै अब त्यस्तो समस्या नहुने बताएकी छिन् ।
नगरले हिंसामा परेका महिला तथा बालबालिकाहरुलाई तत्काल उद्दार गरेर राख्नको लागि आवास निर्माण गरिएको भन्दै नगरपालिकाभित्र हिंसामा परेका पीडित महिला, अनाथ बालबालिका र हेरचाह नभएका वृद्धावृद्धको लागि लक्षित गरेर सुरक्षित आवास गृह निर्माण गरेको हो उपप्रमुख खड्काले बताइन । नगरको विकास सडक निर्माणले मात्र नुहुने भन्दै चौतर्फी बिकास हुन आवश्यक रहेको बताइन् । सकेसम्म महिला दिदिबहिनी, वृद्धावृद्ध बालबालिका ,घर परिवार बाट पिडित नबनुन अनाथ नबनुन भन्ने चाहन्छौ तर केहि गरी समस्यामा परेको अवस्थामा कहाँ जाने के खाने भन्ने समस्या अब नगर भित्र नहुने उपप्रमुख खड्काले बताइन् ।
करिब ८१ करोड ७ लाखमा निर्माण गरिएको आवास गृह दुई तलाको रहेको छ । तीन वटा कोठा र दुई वटा हल रहेको भवनमा हाल सीप सिकाईको कार्यक्रम सञ्चालन हुँदै आएको छ । रामेछाप नगरपालिकाको नगर गौरवको योजनाको रुपमा रहेको भवन निर्माण सम्पन्न भएसँगै नगरपालिकाभित्र विभिन्न कारणले पीडित भएकाहरुलाई तत्काल उद्दार गरेर राख्न सकिने जनाएको छ ।
