रामेछाप । नेपाल राष्ट्रिय शिक्षक संगठन रामेछापमा केशरबहादुर श्रेष्ठको अध्यक्षतामा नयाँ नेतृत्व चयन भएको छ । शनिबार सम्पन्न जिल्ला अधिबेशनले श्रेष्ठको अध्यक्षतामा नयाँ नेतृत्व चयन गरेको हो । श्रेष्ठ संगठनको अध्यक्षमा पुःन निर्वाचित भएका छन् यस अघि पनी श्रेष्ठ नेपाल राष्ट्रिय शिक्षक संगठन रामेछापको अध्यक्ष भएर काम गरिसकेका छन् । अधिबेशनले केन्द्रिय प्रतिनिधी समेत चयन गरेको छ । अधिबेशनले संगठनको खुल्ला उपाध्यक्ष मणिबहादुर बस्नेत र महिला उपाध्यक्षमा दुर्गा पौडेललाई चयन गरेको छ । सचिवमा सन्तोष पौडेल, कोषाध्यक्षमा कुमार पहाडी, सहसचिवमा भगवती पौडेल र सहकोषाध्यक्षमा सिता कार्की निर्वाचित भएका छन् । यसैगरी सदस्यहरूमा शारदा खड्का, सुनमाया तामाङ, शिवकुमार सुवेदी, राजकुमार बोहरा, मधु सुवेदी, निमाफुर्वा शेर्पा, शंकरबहादुर बस्नेत, राजकुमार खड्का, सन्तोष भण्डारी, डम्बरबहादुर तामाङ, मोहनबहादुर थापा, बालादेवी पोखरेल, कमला खड्का, गोमा श्रेष्ठ, पार्वती पाठक, अर्जुन श्रेष्ठ र जीतबहादुर तामाङ निर्वाचित भएका हुन् ।
यसैगरी महाधिवेशन प्रतिनिधिमा रशोककुमार श्रेष्ठ, भरतकुमार बस्नेत, गुणबहादुर बिक र सुभद्रा घिमिरे सर्वसम्मत चयन भएका छन् । अधिवेशनको उद्घाटन संगठनका केन्द्रीय अध्यक्ष लक्ष्मण शर्माले गरेका थिए । कार्यक्रमको उद्घाटन गर्दै शर्माले शिक्षक संगठनको आन्दोलनलाई ट्रेड युनियन आन्दोलनको रूपमा अघि बढाउनु पर्नेमा जोड दिएका छन् । वाग्मती प्रदेशका सांसद शान्तिप्रसाद पौडेलले शिक्षक आन्दोलनसँगै शिक्षा गुणस्तरमा पनि शिक्षकको ध्यान जानुपर्नेमा जोड दिए । कार्यक्रममा संगठनका वाग्मती प्रदेश अध्यक्ष निरबहादुर कार्की, नेकपा एमाले रामेछापका सचिव आनन्द श्रेष्ठ, शिक्षक महासंघ रामेछापका अध्यक्ष रमबहादुर श्रेष्ठ लगायतले आफ्ना भनाई राखेका थिए ।