मंसिर १३, रामेछाप
मन्थली बचत तथा ऋण सहकारी सस्थाले २३ औं साधारण सभा सम्पन्न गरेको छ । थोरै पूँजी तथा सीमित ब्यक्ति बाट २३ वर्ष अगाडी स्थापना भएको सहकारीले यस बर्ष मात्र ७० लाख ४९ हजार २ सय १० खुद नाफा गर्न सफल भएको सहकारीका कोषाध्यक्ष टिका प्रसाद भट्टले बताउनु भयो ।
उहाँले कोरोना भाइरसको जोखिमका कारण अझै सस्थालाई बित्तिय सुंचाकमा असर परेको बताउनु भयो । शुरुमा ६८ जना मिलेर ६ हजार ८ सय शेयर पँुजी बाट शूरु गरेको संस्थामा हाल १३ हजार १ सय ८२ जना सदस्य रहनुका साथै ८ करोड ६३ लाख ९५ हजार ४ सय सस्थाको शेयर पँुजी रहेको कोषध्यक्ष भट्टले बताउनु भयो ।
सहकारीका अध्यक्ष ध्रुब प्रसाद सुवेदीको अध्यक्षतामा शुरु भएको कार्यक्रममा मन्थली नगर पालिकाका प्रमुख रमेश कुमार बस्नेतले नगरपालिका सहकारीहरु संग सहर्काय गरेर अगाडी बड्न तयार रहेको भन्दै सहकारीले अझ बढी आयमुलक ठाउमा लगानी गरेर नगरपालिकालाई सहयोग गर्न अनुरोध गर्नु भयो । जिल्लाकै सबै भन्दा ठुलो सहकारी भएको भन्दै अझै देशभरकै ठुलो सहकारीको रुपमा मन्थली बचत तथा ऋण सहकारी सस्थालाई चिनाउन नगर पालिकाले खेल्न पर्ने भुमिका आफुले खेल्ने नगर प्रमुख बस्नेतले बताउनु भयो ।
संस्थाका सचिब गोबिन्द प्रसाद घिमिरेले सस्थामा भाखा नागेका ऋण असुलीका लागी कर्मचारी संचालक समिती ऋण उपसमिती घर दैलोमा पुगी अनुरोध गर्दा समेत सम्पर्कमा आएर ऋण नतिर्ने ऋणीहरुको नाम सार्बजनीक गर्ने र लिलाम प्रक्रिया बाट ऋण असुल उपर गर्ने तयारी भइरहेका भन्दै सहकारीको सम्पर्कमा आएर भाखा नागेको ऋणको साँवा तथा ब्याज बुझाउन समेत अनुरोध गर्नु भयो ।
संस्थाका अध्यक्ष ध्रुब प्रसाद सुबेदीले २३ औं साधारण सभालाई सम्बोधन गर्दै विश्वव्यापी रुपमा फैलिरहेको कोरोना भाइरसको सम्भावित जोखिमको कारण विगतमा भन्दा फरक तरिका बाट संचालन गर्न परेको बताउनु भयो ।