रामेछाप । संस्कृति पर्यटन तथा नागरिक उड्यन मन्त्री प्रेम आले रामेछापको खाँडादेवी गाउँपालिका–७ गाल्पामा आउने भएका छन् । नेकपा एकीकृत समाजवादी खाँडादेवी गाउँपालिका–७ गाल्पाले आयोजना गरेको वडा अधिबेसन तथा वृहत् साँस्कृतिक कार्यक्रमलाई सम्बोधन गर्न मन्त्री आले रामेछाप आउन लागेका हुन् । नेकपा एकीकृत समाजवादीको कात्तिक ३० गते रामेछापको खाँडादेवी गाउँपालिका वडा नं ७ गाल्पा बजारमा हुने कार्यक्रमलाई सम्बोधन गर्न मन्त्री आले रामेछाप आउन लागेको नेकपा एकीकृत समाजवादीका जिल्ला कमिटी सदस्य अरुण मगरले जानकारी दिए । मगरले उक्त दिन वडा नं ७ को वडा अधिवेशन तथा वृहत् साँस्कृतिक कार्यक्रम हुने उक्त कार्यक्रममा मन्त्री आले सहित नेकपा एसका केन्द्रीय पोलिटव्युरो सदस्य देवशंकर पौडेल,होम बुढाथोकी लगायतले सम्बोधन गर्ने कार्यक्रम रहेको बताए । कार्यक्रममा राष्ट्रिय कलाकार सुबोध गौतम, विन्दा परियार लगायतका राष्ट्रिय तथा स्थानीय कलाकारहरुको प्रस्तुति समेत रहने जानकारी दिए ।
साथै सोहिदिन विश्वामीत्र गुफा तथा वातावरण संरक्षण समितिले विश्वामीत्र गुफा खाँडादेवी गाउँपालिका १ राकाथुममा आयोजना गरेको गायत्री महोत्सोवमा समेत सहभागी हुने भएका छन् । गायत्री महोत्सोव विश्वामीत्र गुफा कात्तिक २७ गते शनिबार बाट शुरु भएको छ ।
