रामेछाप । नेपाल कम्युनिष्ट पार्टी नेकपा एमाले रामेछापले वडा तथा पालीका अधिबेसनको तयारी पुरा भएको बताएको छ । जिल्ला पार्टी कार्यलय मन्थलीमा बिहिबार पत्रकार सम्मेलन गरी वडा र पालीका अधिबेसनको तयारी पुरा भएको जानकारी दिएको हो । नेपाल कम्युनिष्ट पार्टी नेकपा एमाले रामेछापले कार्तिक ६ गते जिल्लाका सवै वडा कमिटी र कार्तिक ९ गते सवै पालिका कमिटीको अधिवेशन गर्दै छ । पत्रकार सम्मेलनमा एमाले रामेछापका सचिव आनन्द श्रेष्ठले जिल्लाको दुई नगरपालिका र ६ गाउँपालिकामा कार्तिक ६ गते शनिबार र ६२ वटा वडामा कार्तिक ९ गते मंगलबार अधिवेशन गर्ने गरी तयारी गरेको जानकारी दिए । श्रेष्ठका अनुसार दोरम्बा शैलुङ्ग गाउँपालिका वडा नं ६ र ७ मा अधिवेशन सम्पन्न भै नेतृत्व चयन भैसकेको छ ।
त्यस्तै पत्रकार सम्मेलनमा एमाले रामेछापका उपाध्यक्ष प्रेम बहादुर तामाङले वडा तथा पालिका अधिवेशनको तयारी पुरा भएको र अधिवेसनलाई कम खर्चमा सम्पन्न गर्ने र बृहत सहभागिता मुलक बनाउने गरी पार्टी लागेको जानकारी दिए । यसअघि गत भदौ २७ गते आइतबार एमाले रामेछापका अध्यक्ष शान्ति प्रसाद पौडेलको अध्यक्षतामा बसेको जिल्ला कमिटी बैठकले पार्टीलाई २०७५ जेठ २ गते माओवादी केन्द्रसँगको एकता घोषणापूर्वको समयमा फर्काएर सवै सांगठनिक संरचनाहरुलाई क्रियाशिल बनाउने र वडा तथा पालिकाहरुको अधिवेशन गर्ने निर्णय गरेको थियो ।
