रामेछाप । सुनापति गाउँपालिका–५ खनिया पानिका ३६ वर्षिय युवक तमार सिंह तामाङलाई प्रहरीले प्रकाउ गरेको छ । सार्वजनिक स्थलमा महिलालाई जिस्क्याउने दुव्यवहार गर्ने जस्ता कार्य गरेको भन्दै महानगरीय प्रहरी वृत्त जागतीले पक्राउ गरेको हो ।
रामेछाप घर भइ हाल भक्तपुर नगरपालिका–१० कमलविनायक बस्ने तामाङले बाटोमा हिडिरहेका महिलाहरुलाई एकान्तमा एक्लैदुक्लै पारी संबेदनशील अंग समात्ने र दुव्यवहार गर्ने गरेको आरोपमा उजुरी परेपछि महानगरीय प्रहरी महानगरीय प्रहरी वृत्त जागतीले पक्राउ गरेको हो । वृत्त प्रमुख रहेका डिएसपी राजेश थापाले पक्राउ परेका तामाङले प्रहरी सामू आफ्नो अपराध स्वीकार गरेको बताउदै अभियुक्तमा मानसिक समस्या समेत देखिएको बताएका छन् ।
डिएसपी थापाका अनुसार पक्राउ परेका तामाङ्ग मोटरसाइकल चढेर महिलामाथि अस्लिल हर्कत गरेर फरार हुने गरेको बयानको क्रममा खुलेको बताए । मोटरसाइकलमा आउने तामाङ्गले फूल हेल्मेट लगाएर महिलाको नजिकै आई मोटरसाइकलको बत्ती समेत निभाई संबेदनशील अंगमा समातेर तीब्र गतिमा फरार हुने गरेको पीडित महिलाहरुले प्रहरी समक्ष जानकारी गराएका छन् ।
महानगरीय प्रहरी वृत्त जगातीमा मोटरसाइकल चालकले दुर्व्यवहार गरेको आरोप लिएर दर्जन बढी महिला सम्पर्कमा आएको प्रहरीले बताएको छ । प्रहरीका अनुसार पीडित हुनेहरुमा १४ वर्षका बालिका देखि ५० वर्षकी महिला समेत रहेका छन् । सार्वजनिक स्थलमा दजनौ महिनामाथि पटक पटक र्दुव्यवहार गरेको विषयमा प्रहरी समक्ष उजुरी परेको सात महिनापछि तामाङ पक्राउ परेका हुन् ।
रातो मोटरसाइकल र कालो ड्रेस बाहेक अन्य कुनै पन िजानकारी पीडितले दिन नसक्दा प्रहरीलाई प्रकाउ गर्न लामो समय लागेको डिएसपी थापाले जानकारी दिए । महिलामाथि अश्लिल हिंसा गर्दै आएको तामाङले गत असार ४ गते बिहान आदर्श चोक नजिक एक महिला पत्रकारलाई निशाना बनाएपछि प्रहरीले पक्राउ गर्न सफल भएको बताए । ती पत्रकारले मोटरसाईकल नम्बरको फोटो खिचेको कारण सोही विवरणको आधारमा तामाङलाई पक्राउ गर्न सकिएको प्रहरीले जानकारी दिए । प्रहरीले बा ७८ प ९५७३ नम्बरको मोटरसाइकल सहित असार १५ गते साँझ ५ बजे कमलविनायकबाट तामाङलाई पक्राउ गरेको थियो । डिएसपी थापाका अनुसार अभियुक्त तामाङ्ग लाई बुधवार जिल्ला प्रशासन कार्यालय भक्तपुरमा पेश गरी अभद्र मुद्दामा ७ दिनको म्याद लिई अनुसन्धान भैरहेको बताए जानकारी दिए ।