रामेछाप । मन्थली नगरपालिकाले प्राथमिक स्वास्थ्य केन्द्र मन्थलीमा भएको आकस्मिक प्रशुति शल्यक्रिया संञ्चालन गर्न नसक्दा वर्षेनी सो केन्द्र संञ्चालनका लागि आउने वजेट समेत राज्यकोषमा फिर्ता हुँदै आएको छ ।
जिल्लामा गर्भवती महिलाहरुको आकस्मिक प्रशुति शल्यक्रिया संञ्चालन हुन नसक्दा हजारौं रुपैयाँ तिरेर गर्भवती महिलाहरु उपचारको लागि छिमेकी जिल्लाका अस्पताल र राजधानीसम्म धाउन वाध्य छन् । मन्थली नगरपालिकाले प्राथमिक स्वास्थ्य केन्द्रमा दक्ष जनशक्ति भर्ना गर्न नसक्दा उक्त केन्द्र लामोसमय वितिसक्दा पनि संञ्चालनमा आउन सकेको छैन् ।
आकस्मिक प्रशुति शल्यक्रिया बन्द हुँदा प्राथमिक स्वास्थ्य केन्द्रमा उपचार लिन आएका गर्भवती महिलाहरुलाई स्वास्थ्यकर्मीहरुले राजधानी काठमाण्डौंमा रिफर गर्दै आएका छन् । स्वास्थ्यकर्मीहरुले रिफर गरेका कतिपय गम्भिर प्रकृतीका गर्भवती महिलाहरुले एम्वुलेन्समा जाँदै गर्दा विच वाटोमानै अकालमा ज्यान गुमाउन पर्ने वाध्यता रहेको प्राथमिक स्वास्थ्य केन्द्र मन्थलीका उपाध्यक्ष विरेन्द्र श्रेष्ठले जानकारी दिए ।
उनले भने– प्राथमिक स्वास्थ्य केन्द्रमा आकस्मिक प्रशुति शल्यक्रियाको लागि आवश्यक पर्ने सबै इक्यिुमेन्टहरु छन् । त्यस्तै शल्यक्रियाको लागि छुट्टै भवनको समेत व्यवस्थापन गरेका छौं । उक्त केन्द्र संञ्चालनमा ल्याउन आवश्यक जनशक्ति नहुँदा आकस्मिक प्रशुति शल्यक्रिया संञ्चालनमा ल्याउन सकेका छैनौ । यसबिषयमा पटक–पटक मन्थली नगरपालिकामा स्वास्थ्यकर्मीको व्यवस्थापनको लागि अनुरोध गर्दा समेत नगरपालिकाले वेवास्ता गरेको कारण धेरै गर्भवती महिलाहरुले सास्ती खेप्न वाध्य भएको उपाध्यक्ष श्रेष्ठले बताए ।
मन्थली नगरपालिकाले गर्भवती महिलाहरुको लागि संञ्चालनमा ल्याएको आकस्मिक प्रशुति शल्यक्रिया तथा नवशिशु स्याहार केन्द्र २०७२ सालदेखी संञ्चालनमा ल्याएको थियो । आकस्मिक प्रशुति शल्यक्रिया सञ्चालन भएदेखी नै नगरपालिकाले पूर्णरुपमा उक्त केन्द्र सञ्चालनमा ल्याउन सकेको छैन् । पालिकाले आवश्यक वजेट व्यवस्थापन गरेर संञ्चालन गर्नुको साटो संघीय सरकारवाट आएको वजेट समेत राज्यकोषमा नै फिर्ता गराउँदै आएको छ ।
पालिकाले गएको आर्थिक वर्ष २०७५÷०७६ मा १० लाख ६७ हजार ७ सय ५० रुपैयाँ र गत आर्थिक वर्ष २०७६÷०७७ मा गरि दुई आर्थिक वर्षमा २१ लाख २० हजार ७ सय ५० रुपैयाँ रकम खर्च गर्न नसकेर राज्यकोषमा फिर्ता गरेको मन्थली नगरपालिकाका सूचना अधिकारी हेमन्तकुमार बुढाथोकीले जानकारी दिए ।
उनले भने– स्थानिय स्तरवाट संञ्चालन गर्न आवश्यक जनशक्तिको लागि पटक–पटक विज्ञापन गर्दा पनि आवश्यक जनशक्ति नपाउनु र संघिय सरकारले दिदै आएको शर्सत वजेट रकम विनियोजन गर्न छाडेकाले प्राथमिक स्वास्थ्य केन्द्र मन्थलीमा संञ्चालन हुँदै आएको आकस्मिक प्रशुति शल्यक्रिया बन्द रहेको सूचना अधिकृत बुढाथोकीले बताए ।
प्राथमिक स्वास्थ्य केन्द्रमा २०७२ चैत्रवाट सञ्चालनमा आएको आकस्मिक प्रशुति शल्यक्रियावाट जिल्लाभरका २ सय ४ जना महिलाहरुले सेवा पाएका छन् । प्रशुति शल्यक्रिया सेवा बन्द भएपछि चालु आर्थिकवर्ष ०७७÷७८ मा गम्भीर प्रकृतीका ६७ जना गर्भवती महिलाहरुलाई राजधानी काठमाण्डौंका अस्पतालहरुमा रिफर गरिएको मन्थली नगरपालिकाले जनाएको छ ।
