रामेछाप । पछिल्लो समय रामेछापमा कोरोना महामारी बढ्दै गएपछि त्यसलाई व्यवस्थापन गर्न कर्मचारी अपुग भएको भन्दै जिल्ला अस्पताल रामेछापले कर्मचारी माग गरेको छ । जिल्ला अस्पताल रामेछापमा हाल भइरहेका कर्मचारीहरु अपुग भएपछि थप कर्मचारीहरु कोभिड–व्यवस्थापनका लागि करार सेवामा भर्ना गर्न लागिएको जिल्ला अस्पताल रामेछापका अध्यक्ष रोशन पाख्रीनले जानकारी दिए । उनका अनुसार– माग गरिएका कर्मचारीहरुमा एम.डी.जि.पी. (तह नवौं) र मेडिकल अधिकृत (तह आठौँ) गरी तीन कर्मचारीहरु भर्ना गर्न लागिएको हो । भर्ना हुने कर्मचारीहरुमा आठौँ तहको कर्मचारीको हकमा जिल्ला अस्पताल रामेछापवाटै तलब भत्ताको सुविधा उपलव्ध गराउने र नवौं तहका कर्मचारीको हकमा भने रामेछाप नगरपालिकासँग द्धिपक्षिय सम्झौता अनुसार तलव भत्ता उपलव्ध गराउने निर्णय भएको अध्यक्ष पाख्रीनले बताए ।
