सिन्धुलीमा बेहुली नलिई फर्किए जन्ती ः बेहुला बेहुली परिवार सहित प्रहरी चौकीमा

समाज
  • 84
    Shares

सिन्धुली । जिल्लाको कमलामाई नगरपालिका–२ चियाबारीमा बेहुली नलिइ जन्ती घर फर्केका छन । बेहुलीको उमेर नपुग्दै विवाह हुन लागेको प्रहरीले जानकारी पाएपछि प्रहरीले विवाह रोकेको हो ।
उमेर नपुगेकी कमलामाई नगरपालिका–२ चियावारीकी दुलही र मकवानपुर जिल्लाको बकैयाँ गाउपालिका–७ का दुलहा बिच शुक्रवार हुन लागेको विवाह प्रहरीले रोकेको हो । प्रहरीले उमेर नपुगी बिबाह गर्न नहुने भन्दै बिबाह रोके पछी बेहुला बेहुली नलिइ जन्ती फर्केका हुन ।

बेहुलाको विवाह गर्ने उमेर पुगे पनि बेहुलीको उमेर नपुगेको पाइएपछि विवाह रोकिएको जिल्ला प्रहरी कार्यालय सिन्धुलीका प्रहरी उपरीक्षक गोबिन्द थपलियाले जानकारी दिनु भयो । प्रहरीले बाल विवाह रोकेपछि बेहुला पक्ष बेहुली नलिई घर फर्किएको हे । प्रहरी उपरिक्षक थपलियाले बेहुलाको उमेर २५ बर्ष र बेहुलीको उमेर १८ बर्ष ६ महिना मात्र पुगेको बताए । किशोरीको उमेर नपुग्दै विवाह हुन लागेको जानकारी आए पछि विवाह स्थलमा पुगेर बुझ्दा बाल विवाह हुन लागेको पाइएपछि रोक्नु परेको उहाँले बताउनु भयो ।
‘बाल विवाह हुँदैछ भन्ने जानकारी आएपछि प्रहरी पठायौँ । सोधपुछ गर्दा केटीको उमेर नपुगेको देखिएपछि विवाह रोकिएको हो,’उहाँले भन्नु भयो । प्रहरीले बेहुलीको घरबाट बेहुला बेहुली सहित दुवै पक्षका अभिभावकलाई नियन्त्रणमा लिएर जिल्ला प्रहरी कार्यालय सिन्धुली ल्याईएको उहाँले बताउनु भयो ।

कार्यालयमा ल्याएर बाल विवाहको मुद्धामा मुद्धा दर्ता गर्न लाग्दा बेहुला बेहुली पक्षले आफुहरुलाई बाल विवाह गर्न पाईन्न र बेहुलीको उमेर पुगेपछि मात्रै विवाह गर्छौ भनेर दुवै पक्षले कागज परेपछि बेहुला बेहुलीलाई छोडिएको उहाँले बताउनु भयो । ‘दुवै पक्षले केटीको उमेर नपुगी विवाह गर्दैनौ भनेर सहमती गरेपछि बेहुला र बेहुली दुवैलाई अभिभावकको जिम्मा लगाएर पठाएका छौं । बेहुला विवाह रोकेर घर फर्केका छन् । बेहुलीलाई अभिभावकले घर लगेका छन उहाँले भन्नु भयो । दुलहा आउने वित्तिकै सुचना आएकाले तत्काल प्रहरी गएपछि विवाहको कार्य पुरा नहुदै विवाह रोकिएको उहाले बताउनु भयो ।

Facebook Comments Box

  • 84
    Shares
ad