रामेछाप । जिल्लाको मन्थली नगरपालिका वडा नं–७ भटौंलीमा रहेको कालिकादेवी आधारभूत बिद्यालयका बिद्यालय ब्यवस्थापन समितिका अध्यक्ष र वडा सदस्यको मिलेमतोमा किर्ते विल भर्पाई बनाई बिद्यालयको पैसा झ्वाम्म पारेको भन्दै उनीहरु बिरुद्ध स्थानिय अभिभाबकहरु समेतले अख्तियारमा उजुरी दिएका छन् ।
विद्यालय ब्यवस्थापन समितीका अध्यक्ष प्रकाश बुढाथोकी र मन्थली नगरपालिका वडा नं–७ का वडा सदस्य खड्कबहादुर बुढाथोकीले किर्ते विल भर्पाई बनाई बिद्यालयको पैसा अपचलन गरेको भन्दै उनीहरु बिरुद्ध स्थानिय अभिभावकहरु र विद्यालय प्रशासन मिलेर अख्तियार दुरुपयोग अनुसन्धान आयोगमा उजुरी दर्ता गराएका हुन । विद्यालय ब्यवस्थापन समितीका अध्यक्ष प्रकाश बुढाथोकी र मन्थली नगरपालिका वडा नं ७ का वडा सदस्य खड्क बहादुर बुढाथोकीले किर्ते विल भर्पाई बनाई ८७ लाख पचास हजार रकम अपचलन गरेको आरोप स्थानिय अभिभाबक खिरलाल तामाङ्गले जानकारी दिए ।
उनले भने– वडा सदस्य र विद्यालय व्यवस्थापन समितिका अध्यक्षको मिलेमतोमा बिद्यालय भवन निर्माणको क्रममा ६७ लाख पचास हजार वरावरको किर्ते विल बनाई फरफारक गराई भुक्तानी लिएका छन् । विद्यालय भवन निमार्ण गर्ने क्रममा लगाइएका कामदारहरुले समेत हालसम्म काम गरेको ज्याला समेत नपाएको अभिभावक तामाङ्गले बताए ।
त्यस्तै गरी सौचालय र खानेपानी ट्याङ्की निर्माणमा विनियोजित २० लाख रकम उपभोक्ता समिति नै गठन नगरि बिद्यालय व्इस्थापन समितिका अध्यक्ष बुढाथोकी र वडा सदस्य खड्क बुढाथोकीले एकलौटी काम गरेको भन्दै अख्तियार दुरुपयोग अनुसन्धान आयोगमा उजुरी दर्ता गराएका हुन् ।
बिद्यालयको नाममा रहेको राष्ट्रिय वाणिज्य वैंक मन्थलीमा खोलिएको खाता नं १६८००००५२४०१ मा जम्मा भएको रकम समेत अपारदर्शि तवरले झिकी अध्यक्ष प्रकाश बुढाथोकीले ब्यक्तीगत मुनाफा गर्नका लागी मिनि ट्रक गाडी खरीद गरी कुखुरा फर्म र पसल सञ्चालन गरेको समेत उजुरीमा उल्लेख गरेको छ । त्यस्तै गरी मन्थली नगरपालिकाबाट विनियोजित रकमको समान खरीद नगरी किर्ते विल भर्पाई पेश गरी भुक्तानी लिएको आरोप समेत लगाएका छन् ।
विद्यालयको नाममा रहेको ३१ रोपनी जग्गामा रहेको साल र सल्लो गरी अन्दाजी ९ हजार ५ सय क्युफिट काठ मनोमानी काटी बिक्रीबितरण गरेर उक्त रकम समेत उनीहरुले अनियमितता गरेको साथै मन्थली नगरपालिकाबाट विनियोजीत २ लाख रुपैया बाट ल्यापटप खरीद वाईफाई जडान र बुक कर्नरको लागी भनी दिएको रकमले उनीहरुले कुनै पनि सामाग्री नै खरिद नगरी उक्त रकमको सामाग्री खरिद गरेको भन्दै किर्ते विल भपाई बनाएर नगरपालिकावाट फरफारक समेत गरेका छन् । विद्यालयमा अहिलेसम्म कुनै पनि सामाग्री भने खरिद गरेका छैनन् ।
विद्यालयको रकम विद्यालयकै व्यवस्थापन समितिका अध्यक्ष र वडा सदस्यको मिलोमतोमा भ्रष्टाचार गरेको भन्दै स्थानिय अभिभावकहरुले उनीहरु विरुद्ध राष्ट्रिय सर्तकता केन्द्र, मन्थली नगरपालिका, जिल्ला समन्व समिति रामेछाप र नेपाल पत्रकार महासंघमा समेत वोद्यार्थ दिएर अख्तियार दुरुपयोग अनुसन्धान आयोगमा उजुरी दर्ता गराएका हुन् ।