सिटीजन लाइफ इन्स्योरेन्सले दियो मृत्यु बिमा दावी भुक्तानी

अर्थ प्रदेश ३
  • 3
    Shares

रामेछाप । जिल्ला सदरमुकाम मन्थलीमा रहेको सिटीजन लाइफ इन्स्योरेन्स कम्पनी लिमिटेड शाखा कार्यालयले मृतक परिवारको मृत्यु बिमा दावी भुक्तानी रकम हस्तान्तरण गरेको छ ।
शाखा कार्यालय मन्थलीले बिहिवार नवजागरण वचत तथा ऋण सहकारी संस्था मार्फत सिटीजन लाइफ इन्स्योरेन्समा ऋणको बिमा गरेकी मन्थली नगरपालिका वडा नं २ टेकानपुरकी स्वर्गीय सिता कार्कीको श्रीमान् गोपी कार्कीलाई ५ लाख १० हजार नगद रकम भुक्तानी गरेको हो । उनको संस्थावाट ऋण लिएको केही समयपछि मृत्यु भएको थियो । सिताको मृत्यु पश्चात ऋणवापतको रकम र काजक्रिया खर्च वापतको रकम नवजागरण बचत तथा ऋण सहकारी संस्थाका अध्यक्ष श्याम थापालाई हस्तान्तरण गरेको छ ।
सिटीजन लाइफ इन्स्योरेन्सले नवजागरण वचत तथा ऋण सहकारी संस्थासँग सम्झौता गरेर सहकारीका ऋणीहरुसँग विमा गराउँदै आएको    छ । संस्थासँग गरेको ऋणी सदस्यहरुको विमा अनुसारको उक्त रकम सिटीजन लाइफ इन्स्योरेन्स रामेछापकी शाखा प्रमुख मञ्जु उप्रेतीले एक कार्यक्रमको विच नवजागरण वचत संस्थालाई ५ लाख १० हजार रुपैयाँको चेक हस्तान्तरण गरेकी हुन् ।
सहकारीवाट ऋण लिएर व्यवसाय संचालन गर्दै आएका सदस्यहरुको विचमा नै मृत्यु भएको खण्डमा त्यसता सदस्यहरुको परिवारमा थप आर्थिक भार नपरोस् भन्ने उद्धेश्यले सिटीजन लाइफ इन्स्योरेन्सले सदस्यहरुको बिमा गरिएको र उक्त विमा रकम मृतकका परिवारलाई हस्तान्तरण गरिएको हो । सिटीजनले ल्याएको यो सेवा सर्वसाधारण नागरिकहरुको लागि एकदमै राम्रो र गुणस्तरीय सेवा भएको सो संस्थाले जनाएको छ ।
केही वर्षअघि देखी सदरमुकाम मन्थलीमा कार्यालय विस्तार गरेर सर्वसाधारण नागरिकहरुलाई सेवा दिदै आएको उक्त संस्थाले मुलुकका १ सय २५ वटा स्थानमा शाखा विस्तार गरि सेवा प्रदान गर्दै आएको छ । रामेछाप शाखावाट धेरै व्यक्तिहरुले यसवाट प्रभावकारी सेवा पाइरहेको सो संस्थाले जनाएको छ ।

Facebook Comments Box

  • 3
    Shares
ad