रामेछाप । कालिका युवा क्लब दोरम्बाले आयोजना गरेको जिल्ला स्तरीय खुल्ला पुरुष भलिबल प्रतियोगिताको फाइनलमा सुनापती गाउँपालिका वडा नं १ गुन्सी र वडा नं २ दिमिपोखरी प्रवेश गरेको छ । दोरम्बा गाउँपालिका संगको सहर्कायमा आयोजना गरेको जिल्ला स्तरीय खुल्ला पुरुष भलिबल प्रतियोगिताको सेमिफाइनल खेलमा सुनापती गाउँपालिका वडा नं १ गुन्सिले दोरम्बा गाउँपालिका वडा नं ५ लाई २–० को सोझो सेटमा हराउदै फाइनलमा प्रबेश गरेको हो । खेल यहि चैत्र १४ गते देखी दोरम्बा गाउँपालिका वडा नम्बर ६ रिष्ठेमा भइरहेको छ ।
त्यस्तै गरी भएको अर्को खेलमा पनी सुनापति गाउँपालिका वडा नं २ दिमिपोखरीले आयोजक कालिका क्लब ( ए)लाई २–० को सोझो सेटमा हराउदै फाइनल प्रवेश गरेका हुन् । अब आज हुने फाइनल खेलमा सुनापती गाउँपालिका वडा नं १ गुन्सी र सोही गाउँपालिका वडा नं २ दिमिपोखरी बिच खेल हुने छ । आज दिउसो एक बजे बाट खेल हुने आयोजकले जनाएको छ । खेलमा प्रथम हुने टिमले नगद १ लाख रुपैयाँको साथमा शिल्ड,मेडल र प्रमाण प्रत्र पाउने छ भने दोस्रो हुने टिमले नगद ६० हजारको साथमा शिल्ड,मेडल र प्रमाण प्रत्र पाउने आयोजकले जनाएको छ ।
पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने
काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...
