रामेछाप– रामेछाप नगरपालिकाले गाउँ–गाउँमा बिभिन्न खालका सीप सिकाउने अभियान चलाएकोे छ । नागरिकको क्षमता र योग्यताको आधारमा नगरपालिकाले गाउँगाउँमा गएर बिभिन्न खाले तालीमहरु सञ्चालन गर्न शुरु गरेको छ । गरिवी निवरणको लागि लघु उद्यम विकास कार्यक्रम मार्फत ८० जनालाई गाउँमै लघु उद्यम सञ्चान गर्न सक्ने गरी विभिन्न प्रकारका तालिमहरु दिन लागेको छ ।
नगरपालिकाले गाउँमै स्वीटर उत्पादन गर्न सक्ने गरी १६ जना स्थानीयलाई वडा ७ सुकाजोरमा निटिङ मेसिनबाट तालिम दिन शुरु गरेका छन् । त्यस्तै गरी नगरपालिकाको आर्थिक सहयोगमा ग्रामिण विजनेश प्रमोशन प्रा.लि ले ८० जना नयाँ उद्यमी उत्पादन गर्ने र ४० जना पुराना उद्यमीहरुलाई स्तरोन्नति गर्ने गरी शनिबार देखि तालिम सुरु गरेको छ ।
साथै नगरपालिकाले मोबाइल मर्मत, इलेक्ट्रिसियन लागयतका सीपमूलक तालिम संचालनको तयारी समेत गरेको रामेछाप नगरपालिकाका नगर प्रमुख नर बहादुर थापामगरले बताए ।
गाउँमै भएका कच्च पदार्थ प्रयोग गर्दै गाउँमा रोजगारी सिर्जना गर्ने गरी सुरु गरिएको उद्यमी उत्पादन तालिमसँग स्थानीयको रोजागरी, आर्थिक उन्नति र समृद्धि जोडिएकाले आर्थिक बृद्धिमा सहयोग पुग्ने अपेक्षा गरेको नगर प्रमुख थापा मगरले जानकारी दिए । नगर प्रमुखले ५० दिनमा सबैले तन मन लगाएर सिप सिके ‘गरिवी निवरणको लागि उद्यमी उत्पादन गर्दै लघु उद्यम स्थापना गर्न समस्या नहुने बताए । नगर प्रमुख थापामगरले तालिम सिकेर दक्ष जनशक्ती उत्पादन भएपछि व्यवसायिक रुपमा लघु उद्योग स्थापना गरी व्यवसाय गर्न चहाने सहभागीहरुलाई नगरपालिकाले आवश्यक सहयोग गर्ने बताएका छन । उनले तालिम पश्चात उद्योग स्थापना गरेर धेरै बस्तु उत्पादन भए उत्पादित बस्तुहरुलाई बजार सम्म लैजाने जिम्मा नगरपालिकाले लिने पनी प्रतिबद्धता जनाएका छन ।
